ആലപ്പുഴയിൽ ഹോംസ്റ്റേ ജീവനക്കാരി മരിച്ച നിലയിൽ; കൊലപാതകമെന്നു പോലീസ്: ദുരൂഹത
Apr 3, 2024, 17:12 IST
ആലപ്പുഴ: കുട്ടനാട് നെടുമുടി വൈശ്യംഭാഗത്ത് ഹോംസ്റ്റേ ജീവനക്കാരി ദുരൂഹസാഹചര്യത്തിൽ മരിച്ച നിലയിൽ. ആസാം സ്വദേശിനി ഖാസിറ കൗദും (44) ആണ് മരിച്ചത്. ഇവർ താമസിക്കുന്ന മുറിക്കു പുറത്താണു മൃതദേഹം കണ്ടത്. പലതവണ ഫോണില്‍ വിളിച്ചിട്ടും കാണാതിരുന്നതോടെ റിസോര്‍ട്ട് ഉടമ പോയി നോക്കിയപ്പോഴാണ് ഇവരുടെ മൃതദേഹം കണ്ടത്. മുറി പുറത്തുനിന്നു പൂട്ടിയ നിലയിലായിരുന്നു. യാത്ര പോകാനൊരുങ്ങിയ നിലയിലായിരുന്നു ഇവരുടെ വസ്ത്രധാരണം. ഒപ്പം ബാഗുകളുമുണ്ടായിരുന്നു. ഇവരുടെ കമ്മൽ നഷ്ടപ്പെട്ടിട്ടുണ്ട്. സംഭവം കൊലപാതകമാണെന്നും കഴുത്തില്‍ ഷാള്‍ മുറുക്കിയ പാടുണ്ടെന്നും പോലീസ് പറഞ്ഞു.