ഹജ്ജ് തീര്ത്ഥാടകര്ക്ക് വാക്സിന് നല്കി
May 9, 2024, 23:20 IST
![ഹജ്ജ് വാക്സിനേഷന് ക്യാമ്പ്](https://timeskerala.com/static/c1e/client/91214/uploaded/b4c3f2c32f25a78c87697945353eb274.jpg)
പത്തനംതിട്ട ജില്ലയില് നിന്നും ഹജ്ജ് തീര്ത്ഥാടനത്തിന് പോകുന്നവര്ക്കുള്ള വാക്സിനേഷന് ക്യാമ്പ് ജില്ലാ മെഡിക്കല് ഓഫീസര് (ആരോഗ്യം) ഡോ. അനിത കുമാരി എല് ഉദ്ഘാടനം ചെയ്തു. പത്തനംതിട്ട ജനറല് ആശുപത്രിയില് നടന്ന ക്യാമ്പില് ആശുപത്രി സൂപ്രണ്ട് ഡോ. സുഷമ പി.കെ അധ്യക്ഷത വഹിച്ചു. ജില്ലാ ആര്.സി.എച്ച് ഓഫീസര് ഡോ. ശ്യാംകുമാര് കെ.കെ., ആര്.എം.ഒ ഡോ. ദിവ്യ, ടെക്നിക്കല് അസിസ്റ്റന്റ് മുരളീധരന് വി, ഹജ്ജ് കമ്മറ്റി ജില്ലാ കോ-ഓര്ഡിനേറ്റര് നാസര് എന്നിവര് പങ്കെടുത്തു. ജില്ലയില് നിന്നുള്ള 71 പേരാണ് വാക്സിനേഷന് ക്യാമ്പില് പങ്കെടുത്തത്. ഡോ. അബിന്, ഡോ. സജിന് കെ.റെജി, സ്മിതാ ചന്ദ്രന്, വിനീത എന്നിവര് ക്യാമ്പിന് നേതൃത്വം നല്കി.