കൊച്ചി: സംസ്ഥാനത്ത് സ്വർണ്ണവിലയിൽ വീണ്ടും ഇടിവ് രേഖപ്പെടുത്തി. പവന് 80 രൂപ കുറഞ്ഞ് ഒരു പവൻ സ്വർണ്ണത്തിന്റെ ഇന്നത്തെ വില 1,04,720 രൂപയായി. ഗ്രാമിന് 10 രൂപയാണ് കുറഞ്ഞത്. ഇതോടെ ഒരു ഗ്രാം സ്വർണ്ണത്തിന് 13,090 രൂപയായി നിരക്ക് താഴ്ന്നു. കഴിഞ്ഞ പത്തുദിവസത്തിനിടെ മാത്രം പവന് 3,000 രൂപയുടെ വൻ ഇടിവാണ് വിപണിയിലുണ്ടായത്.(Gold Prices Decline Further In Kerala Record 3000 Rupees Drop In Ten Days)
അമേരിക്ക-ഇറാൻ സൈനിക സംഘർഷം വീണ്ടും കനത്തതും ഇതിനെ തുടർന്ന് ആഗോള വിപണിയിൽ എണ്ണവില കുതിച്ചുയരുന്നതുമടക്കമുള്ള അന്താരാഷ്ട്ര രാഷ്ട്രീയ-സാമ്പത്തിക സാഹചര്യങ്ങളാണ് സ്വർണ്ണവിലയിലെ ഈ മാറ്റങ്ങൾക്ക് പിന്നിൽ.
രാജ്യാന്തര വിപണിയിലെ ചലനങ്ങൾക്ക് അനുസരിച്ചാണ് രാജ്യത്ത് സ്വർണവില നിശ്ചയിക്കപ്പെടുന്നത്. ഡോളർ – രൂപ വിനിമയ നിരക്ക്, ഇറക്കുമതി തീരുവ എന്നിവയും സ്വർണവിലയെ സ്വാധീനിക്കുന്ന ഘടകങ്ങളാണ്. നിലവിൽ ലോകത്തെ ഏറ്റവും വലിയ സ്വർണ ഉപഭോക്താക്കളാണ് ഇന്ത്യ. ഓരോ വർഷവും ടൺ കണക്കിന് സ്വർണം രാജ്യത്ത് ഇറക്കുമതി ചെയ്യപ്പെടുന്നു. അതുകൊണ്ട് ആഗോള വിപണിയിൽ സംഭവിക്കുന്ന ചെറിയ ചലനങ്ങൾ പോലും അടിസ്ഥാനപരമായി ഇന്ത്യയിലെ സ്വർണവിലയിൽ പ്രതിഫലിക്കും.
Story Summary
Gold prices in Kerala witnessed a further decline today with a drop of ₹80 per sovereign, bringing the rate down to ₹1,04,720. This marks a significant drop of ₹3,000 per sovereign within the last ten days, heavily influenced by the escalating US-Iran conflict and rising global crude oil prices.
