ഗോദ്സെയെ പുകഴ്ത്തൽ: പ്രഫസറെ സ്റ്റേഷനിൽ ഹാജരാക്കാൻ നോട്ടീസ്
Feb 6, 2024, 09:36 IST
![ഗോദ്സെയെ പുകഴ്ത്തൽ: പ്രഫസറെ സ്റ്റേഷനിൽ ഹാജരാക്കാൻ നോട്ടീസ്](https://timeskerala.com/static/c1e/client/91214/uploaded/7d0dd74b4281471ef4250393f193f826.gif)
ചാത്തമംഗലം: ഗോദ്സെയെ പുകഴ്ത്തി ഫേസ്ബുക്കിൽ കമന്റിട്ട എൻ.ഐ.ടി മെക്കാനിക്കൽ എൻജിനീയറിങ് പ്രഫസർ ഷൈജ ആണ്ടവന് സ്റ്റേഷനിൽ ഹാജരാക്കാൻ നോട്ടീസ്. തിങ്കളാഴ്ച കുന്ദമംഗലം സി.ഐ ശ്രീകുമാറിന്റെ നേതൃത്വത്തിൽ പൊലീസ് എൻ.ഐ.ടിയിൽ എത്തിയാണ് രജിസ്ട്രാർ ഡോ. ശാംസുന്ദരക്ക് ഇതുസംബന്ധിച്ച് നോട്ടീസ് നൽകിയത്. എസ്.എഫ്.ഐ ഏരിയ സെക്രട്ടറി ടി.എം. അശ്വിൻ നൽകിയ പരാതിയിൽ കുന്ദമംഗലം പൊലീസ് കേസെടുത്തിരുന്നു. അന്വേഷണത്തിന്റെ ഭാഗമായി പ്രഫസറിൽനിന്ന് വിവരങ്ങൾ ശേഖരിക്കുന്നതിനാണ് പൊലീസ് തിങ്കളാഴ്ച എൻ.ഐ.ടിയിൽ എത്തിയത്. എന്നാൽ, പ്രഫസർ അവധിയിലായതിനാൽ രജിസ്ട്രാർക്ക് നോട്ടീസ് നൽകുകയായിരുന്നു. പ്രഫസറുടെ പ്രാഥമിക വിവരങ്ങൾ രജിസ്ട്രാറിൽനിന്ന് പൊലീസ് ശേഖരിച്ചിട്ടുണ്ട്.