കോഴിക്കോട് മത്സ്യം കയറ്റുന്ന പിക്കപ്പ് വാനില്‍ നിന്നും കഞ്ചാവ് പിടികൂടി 

കോഴിക്കോട്: മത്സ്യം കയറ്റുന്ന പിക്കപ്പ് വാനില്‍കടത്തുകയായിരുന്ന കഞ്ചാവ് പിടികൂടി. ശനിയാഴ്ച ഉച്ചക്ക് 12.30-ഓടെ കോഴിക്കോട് ബീച്ചില്‍ കോര്‍പ്പറേഷന്‍ ഓഫീസിന് സമീപമാണ്  പിക്കപ്പ് വാനില്‍നിന്ന് കഞ്ചാവ് പിടിച്ചെടുത്തത്. വാഹനത്തില്‍ മത്സ്യം സൂക്ഷിക്കുന്ന രണ്ടുപെട്ടികളിലായാണ് കഞ്ചാവ് ഒളിപ്പിച്ചിരുന്നത്. ഇത് പ്ലാസ്റ്റിക് ഷീറ്റ് കൊണ്ട് മൂടിയനിലയിലായിരുന്നു. സംഭവവുമായി ബന്ധപ്പെട്ട് രണ്ടുപേരെ പൊലീസ് കസ്റ്റഡിയിലെടുത്തിട്ടുണ്ട്.