പെട്ടിക്കടക്കാരന് വ്യാജ നോട്ടുകൾ നൽകി നാലായിരം രൂപ തട്ടിയെടുത്തു

നെ​ടും​കു​ന്നം: ക​ച്ച​വ​ട​ക്കാ​ര​നാ​യ വ​യോ​ധി​ക​നി​ൽ​നി​ന്നും വ്യാ​ജ നോ​ട്ടു​ക​ൾ ന​ൽ​കി നാ​ലാ​യി​രം രൂ​പ ത​ട്ടി​യെ​ടു​ത്തു. നെ​ടും​കു​ന്നം-​നൂ​റോ​മ്മാ​വ് റോ​ഡി​ൽ ക​ന്നാ​ലി​പ്പ​ടി​യി​ൽ മാ​ട​ക്ക​ട ന​ട​ത്തു​ന്ന തെ​ക്കേ​ക്ക​ര കു​ഞ്ഞു​കു​ട്ട​ന്‍റെ പ​ണ​മാ​ണ്​ ബൈ​ക്കി​ലെ​ത്തി​യ യു​വാ​വ് തട്ടി​യ​ത്. ആ​ദ്യം ക​ട​യി​ൽ​നി​ന്നും 900 രൂ​പ​യു​ടെ സാ​ധ​ന​ങ്ങ​ൾ വാ​ങ്ങി​യ ആ​ൾ ര​ണ്ടാ​യി​ര​ത്തി​ന്‍റെ വ്യാ​ജ നോ​ട്ട് ന​ൽ​കി. ശേ​ഷം  ബാ​ക്കി​യും വാ​ങ്ങി.

മേ​ശ​യ്ക്കു​ള്ളി​ൽ പ​ണ​മു​ണ്ടെ​ന്ന് തി​രി​ച്ച​റി​ഞ്ഞ യു​വാ​വ് ര​ണ്ടാ​യി​രം രൂ​പ​യു​ടെ ചി​ല്ല​റ ആ​വ​ശ്യ​പ്പെ​ട്ടു. കൈ​യി​ലു​ള്ള മ​റ്റൊ​രു വ്യാ​ജ നോ​ട്ടു​കൂ​ടി കു​ഞ്ഞു​കു​ട്ട​ന് ന​ൽ​കി​യ​ശേ​ഷം നാ​ല് അ​ഞ്ഞൂ​റ് രൂ​പ നോ​ട്ടു​ക​ളും വാ​ങ്ങി ഇ​യാ​ൾ സ്ഥ​ലം വിടുകയായിരുന്നു.  പി​ന്നീ​ട് ക​ട​യി​ലെ​ത്തി​യ ലോ​ട്ട​റി ക​ച്ച​വ​ട​ക്കാ​ര​ൻ നാ​ല് അ​ഞ്ഞൂ​റു രൂ​പ​ക​ൾ ന​ൽ​കി​യ​ശേ​ഷം കു​ഞ്ഞു​കു​ട്ട​നി​ൽ നി​ന്നും ര​ണ്ടാ​യി​രം രൂ​പ വാ​ങ്ങി. ഈ ​പ​ണ​വു​മാ​യി നൂ​റോ​മ്മാ​വി​ലെ റേ​ഷ​ൻ ക​ട​യി​ലെ​ത്തി​യ​പ്പോ​ളാ​ണ് നോ​ട്ട് വ്യാ​ജ​മാ​ണെ​ന്ന് തി​രി​ച്ച​റി​ഞ്ഞ​ത്. ക​ട​യി​ലെ​ത്തി കാ​ര്യ​ങ്ങ​ൾ ചോ​ദി​ച്ച​പ്പോ​ഴാ​ണ് ബൈ​ക്കി​ലെ​ത്തി​യ യു​വാ​വാ​ണ് ര​ണ്ടാ​യി​ര​ത്തി​ന്‍റെ നോ​ട്ടു​ക​ൾ ന​ൽ​കി​യ​തെ​ന്ന് തി​രി​ച്ച​റി​ഞ്ഞ​ത്.  കു​ഞ്ഞു​കു​ട്ട​ൻ ക​റു​ക​ച്ചാ​ൽ പൊ​ലീ​സി​ൽ പ​രാ​തി നൽകിയിട്ടുണ്ട്‌.