വീടിന്റെ വാതിൽ തകർത്ത് അഞ്ചുപവൻ കവർന്നു
May 14, 2024, 20:17 IST
![വീടിന്റെ വാതിൽ തകർത്ത് അഞ്ചുപവൻ കവർന്നു](https://timeskerala.com/static/c1e/client/91214/uploaded/7d10bfea9d4b0fcd453fcf87aa9a93a4.jpg)
ഇരവിപുരം: ആളില്ലാത്ത വീടിന്റെ വാതിലുകൾ തകർത്ത് അകത്തുകടന്ന മോഷ്ടാക്കൾ അലമാരയിൽ സൂക്ഷിച്ച അഞ്ചുപവൻ കവർന്നു. മയ്യനാട് കാക്കോട്ട്മൂല പള്ളിക്ക് സമീപം എൽസമ്മ വിൻസെന്റിന്റെ ഇരുനില വീട്ടിലാണ് ഞായറാഴ്ച രാത്രി മോഷണം നടന്നത്. വീടിന്റെ പിൻഭാഗത്തെ വാതിൽ കുത്തിപ്പൊളിച്ചാണ് മോഷ്ടാക്കൾ അകത്തുകയറിയത്. വീട്ടുകാർ ഈ ദിവസം ബംഗളൂരുവിലായിരുന്നു. തിങ്കളാഴ്ച രാവിലെ വന്നപ്പോഴാണ് വീടിന്റെ പിറകുവശത്തെ വാതിൽ പൊളിച്ചതായി കണ്ടത്. മുറിക്കുള്ളിൽ ഉണ്ടായിരുന്ന സാധനങ്ങളെല്ലാം വാരിവലിച്ചിട്ട നിലയിലാണ്. ഇരവിപുരം പൊലീസെത്തി തെളിവുകൾ ശേഖരിച്ചു.