കാസർഗോഡ് മാലിന്യസംസ്കരണശാലയിൽ തീപിടിത്തം
Feb 13, 2024, 08:22 IST
കാസർഗോഡ്: കുബണൂരിൽ മാലിന്യസംസ്കരണശാലയിൽ തീപിടിത്തം. തിങ്കളാഴ്ച വൈകുന്നേരമാണ് തീപിടിത്തമുണ്ടായത്. കാസർഗോഡ്, കാഞ്ഞങ്ങാട് എന്നിവിടങ്ങളിൽനിന്നുള്ള 15 യൂണിറ്റ് ഫയർഫോഴ്സെ സ്ഥലത്തെത്തി തീയണയ്ക്കാൻ ശ്രമിച്ചുവരികയാണ്. തീപിടിത്തത്തിന്‍റെ കാരണം വ്യക്തമല്ല. മാലിന്യസംസ്കരണശാല കുറച്ചു നാളുകളായി പ്രവർത്തിക്കുന്നില്ലായിരുന്നു. എങ്കിലും ഇവിടെ മാലിന്യങ്ങൾ നിക്ഷേപിക്കുന്നുണ്ടായിരുന്നു.