ലാവലിന്‍കേസിൽ സുപ്രീം കോടതിയിൽ അന്തിമവാദം ഇന്ന് തുടങ്ങും
Updated: May 2, 2024, 09:57 IST
ന്യൂഡല്‍ഹി: സുപ്രീംകോടതിയിൽ ഇന്ന് എസ്.എന്‍.സി. ലാവലിന്‍ കേസില്‍ അന്തിമവാദം. ഹർജി പരിഗണിക്കുന്നത് ജസ്റ്റീസ് സൂര്യകാന്ത്, ജസ്റ്റീസ് കെ.വി.വിശ്വനാഥന്‍ എന്നിവരടങ്ങുന്ന ബെഞ്ചാണ്. കേസ് ലിസ്റ്റ് ചെയ്തിരിക്കുന്നത് 110 ആം നമ്പറിലാണ്. 113-ാം നമ്പര്‍ കേസായി കഴിഞ്ഞദിവസം ലിസ്റ്റ് ചെയ്തിട്ടും പരിഗണിച്ചിരുന്നില്ല. ഫെബ്രുവരി ആറിനാണ് സുപ്രീംകോടതിയില്‍ എട്ടാം വര്‍ഷത്തിലേക്ക് കടന്ന ലാവലിന്‍കേസ് അവസാനമായി പരിഗണിച്ചത്. ഇതുവരെ 30 തവണയാണ് കേസ് ലിസ്റ്റ് ചെയ്തിട്ടുള്ളത്.