വ്യാജ ഡോക്ടർ അറസ്റ്റിൽ

കൊ​ച്ചി: തേ​വ​ര മ​ട്ട​മ്മ​ൽ പ്ര​ദേ​ശ​ത്ത് മാ​സ​ങ്ങ​ളാ​യി ഡോ​ക്ട​ർ ച​മ​ഞ്ഞ് വ്യാ​ജ ചി​കി​ത്സ ന​ട​ത്തി​യി​രു​ന്ന പ്രതി പിടിയിൽ. വെ​സ്റ്റ് ബം​ഗാ​ൾ സു​ബ​ർ​നാ​പു​ർ സ്വ​ദേ​ശി ദി​പ​ൻ​ക​ർ മൊ​ണ്ഡാ​ലി​നെ (38)യാണ്  സൗ​ത്ത് സി.​ഐ എം.​എ​സ്. ഫൈ​സ​ലി​ന്‍റെ നേ​തൃ​ത്വ​ത്തിലുള്ള സംഘം  അ​റ​സ്റ്റ് ചെയ്തത്. പൈ​ൽ​സ് ക്ലി​നി​ക്ക് എ​ന്ന ബോ​ർ​ഡ് സ്ഥാ​പി​ച്ച് അ​പ്പാ​ർ​ട്മെ​ന്‍റി​ൽ ചി​കി​ത്സ ന​ട​ത്തി​വ​രു​ക​യാ​യി​രു​ന്നു ഇ​യാ​ൾ.  എ​റ​ണാ​കു​ളം തേ​വ​ര ച​ക്കാ​ല​പ​റ​മ്പി​ൽ എ​ന്ന പാ​ർ​പ്പി​ട സ​മു​ച്ച​യ​ത്തി​ൽ ഒ​രാ​ൾ അ​ന​ധി​കൃ​ത​മാ​യി ക്ലി​നി​ക്ക് തു​റ​ന്ന് ചി​കി​ത്സ ന​ട​ത്തു​ന്ന​താ​യി ര​ഹ​സ്യ​വി​വ​രം കി​ട്ടി​യ​തി​നെ തു​ട​ർ​ന്നാ​ണ് പൊ​ലീ​സ് അ​ന്വേ​ഷ​ണം ന​ട​ത്തി​യ​ത്.

അ​ന്വേ​ഷ​ണ​ത്തി​ൽ പ്ര​തി യാ​തൊ​രു വി​ധ ലൈ​സ​ൻ​സോ സ​ർ​ട്ടി​ഫി​ക്ക​റ്റോ കൈ​വ​ശ​മി​ല്ലാ​തെ അ​ന​ധി​കൃ​ത ചി​കി​ത്സ ന​ട​ത്തി വ​രു​ക​യാ​ണെ​ന്ന് വ്യ​ക്ത​മാ​യെ​ന്ന് പൊ​ലീ​സ് പ​റ​ഞ്ഞു. പ്ര​തി​യെ കൂ​ടു​ത​ൽ ചോ​ദ്യം ചെ​യ്ത​തി​ൽ​നി​ന്ന്​ ടെ​ലി മെ​ഡി​സി​ൻ ക​ൺ​സ​ൾ​ട്ടി​ങ് മു​ഖേ​ന​യാ​ണ് ക്ലി​നി​ക്ക് ന​ട​ത്തി​വ​രു​ന്ന​തെ​ന്ന് മൊ​ഴി ല​ഭി​ച്ച​താ​യി പൊ​ലീ​സ് പ​റ​ഞ്ഞു.  പൊ​ലീ​സ് റെ​യ്ഡി​ൽ പൈ​ൽ​സി​ന് ചി​കി​ത്സ ന​ട​ത്തു​ന്ന​തി​നു​ള്ള ഉ​പ​ക​ര​ണ​ങ്ങ​ളും മ​രു​ന്നു​ക​ളും ക​ണ്ടെ​ത്തി​യി​ട്ടു​ണ്ട്.