മസാല ബോണ്ട് ഇടപാടിൽ ഇഡി വാദം തെറ്റ് ; തോമസ് ഐസക്കിനെ ന്യായീകരിച്ച് കിഫ്ബി സിഇഒ
തിരുവനന്തപുരം: മസാല ബോണ്ട് ഇടപാടിൽ ഇഡി വാദം തെറ്റാണെന്ന് കിഫ്ബി സിഇഒ കെ.എം. ഏബ്രഹാം ഹൈക്കോടതിയെ അറിയിച്ചു. കിഫ്ബി ശേഖരിക്കുന്ന ഫണ്ട് കൈകാര്യം ചെയ്യുന്നത് ഫണ്ട് മാനേജർ ആണെന്നും ഇതിൽ തോമസ് ഐസക്കിന് ഒരു റോളുമില്ലെന്ന് കെ.എം.ഏബ്രഹാം നൽകിയ സത്യവാങ്മൂലത്തിൽ പറയുന്നു.
എക്സിക്യൂട്ടീവ് കമ്മിറ്റിയുടെ അധ്യക്ഷൻ എന്ന ചുമതലയ്ക്കപ്പുറം തോമസ് ഐസക്കിന് മാത്രമായി പ്രത്യേക റോളില്ല. മസാല ബോണ്ട് ഇറക്കിയതിന്‍റെയും ഫണ്ട് വിനിയോഗത്തിന്‍റെയും പ്രധാന ഉത്തരവാദിത്വം തോമസ് ഐസക്കിനാണെന്ന ഇഡി വാദം തെറ്റാണെന്നും അദ്ദേഹം പറഞ്ഞു.
എന്നാൽ, മസാല ബോണ്ട് കേസിൽ തോമസ് ഐസക്കിന് വ്യക്തമായ പങ്കുണ്ടെന്ന് ഇഡി കോ‌ടതിയിൽ നൽകിയ സത്യവാങ്മൂലത്തിൽ പറയുന്നു.