ഇടപ്പള്ളി സെന്റ് ജോർജ് ദേവാലയ തിരുനാൾ; കൊച്ചി മെട്രോ സർവീസ് രാത്രി 11 വരെ
Updated: May 1, 2024, 07:43 IST
![ഇടപ്പള്ളി സെന്റ് ജോർജ് ദേവാലയ തിരുനാൾ; കൊച്ചി മെട്രോ സർവീസ് രാത്രി 11 വരെ](https://timeskerala.com/static/c1e/client/91214/uploaded/0965e29b663cf18ba34fe00f6dc29e53.jpg)
കൊച്ചി: ഇടപ്പള്ളി സെന്റ് ജോർജ് ഫൊറോന ദേവാലയ തിരുനാളിനോട് അനുബന്ധിച്ച് കൊച്ചി മെട്രോ രാത്രി 11 വരെ സർവീസ് നടത്തും. മേയ് മൂന്നു മുതൽ പതിനൊന്നാം തീയതിവരെയാണ് സർവീസ് നീട്ടുക. ദേവാലയ അധികാരികളിൽ നിന്നുള്ള അഭ്യർഥന പരിഗണിച്ചാണ് തിരുനാളിനോടനുബന്ധിച്ച് കൊച്ചി മെട്രോ സർവീസ് നീട്ടുന്നത്. ഈ ദിവസങ്ങളിൽ ഇടപ്പള്ളി മെട്രോ സ്റ്റേഷനിൽ നിന്ന് ആലുവയിലേക്കും തൃപ്പൂണിത്തുറയിലേക്കുമുള്ള അവസാന ട്രെയിൻ രാത്രി 11 ന് ആയിരിക്കുമെന്ന് അധികൃതർ പറഞ്ഞു.