മസാജ് പാർലറിൽ ലഹരി വിൽപ്പന; മൂന്ന് പേർ അറസ്റ്റിൽ
Feb 10, 2024, 11:19 IST
കൊച്ചി: മസാജ് പാർലറിൽ ലഹരി വിൽപ്പന നടത്തിയ മൂന്ന് പേരെ അറസ്റ്റ് ചെയ്തു. ഇവരിൽ നിന്ന് 50 ഗ്രാം എംഡിഎംഎയും പിടികൂടി. ഇവരെ എക്സൈസാണ് പിടികൂടിയത്. കണ്ണൂർ തളിപ്പറമ്പ് സ്വദേശി അഷ്റഫ്, സഹോദരൻ അബൂബക്കർ, പറവൂർ സ്വദേശി സിറാജുദ്ദീൻ എന്നിവരാണ് അറസ്റ്റിലായത്.
ഇടപ്പള്ളി പച്ചാളത്തെ ആയുർവേദ മസാജ് പാർലറിൽനിന്നാണ് എംഡിഎംഎ കണ്ടെടുത്തത്. ഗോൾഡൻ മെത്ത് എന്നറിയപ്പെടുന്ന സ്വർണനിർത്തിലുള്ള എംഡിഎംഎയാണ് പിടിച്ചെടുത്തത്. മസാജ് പാർലറിന്റെ മറവിലുള്ള വൻ തോതിലുള്ള ലഹരി ഇടപാടുകൾ കണ്ടെത്താൻ പരിശോധന തുടരുമെന്ന് എക്സൈസ് വ്യക്തമാക്കി.