കേരള യൂണിവേഴ്സിറ്റി ഓഫ് ഹെൽത്ത് സയൻസസിൻ്റെ രജിസ്ട്രാറായി ഡോ എസ് ഗോപകുമാറിനെ നിയമിച്ചു

കേരള യൂണിവേഴ്‌സിറ്റി ഓഫ് ഹെൽത്ത് സയൻസസിൻ്റെ രജിസ്ട്രാറായി കണ്ണൂർ ഗവൺമെൻ്റ് ആയുർവേദ കോളേജിലെ മെഡിക്കൽ സൂപ്രണ്ട് ഡോ.എസ്.ഗോപകുമാറിനെ നിയമിച്ചു. ഡോ.ഗോപകുമാർ ആരോഗ്യ സർവകലാശാലയുടെ അക്കാദമിക് കൗൺസിൽ അംഗമായും ഗവേണിംഗ് കൗൺസിൽ അംഗമായും തിരുവനന്തപുരം സർക്കാർ ആയുർവേദ കോളേജ് ആശുപത്രിയിൽ ആർഎംഒ ആയും സേവനമനുഷ്ഠിച്ചിട്ടുണ്ട്. 

രണ്ട് എം.ഡിയും പി.എച്ച്.ഡിയും ഉണ്ട്.സംസ്ഥാന സർക്കാർ, കേന്ദ്ര ആയുഷ് വകുപ്പ്, കേന്ദ്ര ആയുർവേദ കൗൺസിൽ, കേരള ആരോഗ്യ സർവകലാശാല എന്നിവയുടെ മികച്ച ആയുർവേദ അധ്യാപകനുള്ള അവാർഡുകൾ ഉൾപ്പെടെ വിവിധ അവാർഡുകൾ അദ്ദേഹത്തിന് ലഭിച്ചിട്ടുണ്ട്. ദേശീയ അന്തർദേശീയ ശാസ്ത്ര സെമിനാറുകളിൽ പ്രബന്ധങ്ങൾ അവതരിപ്പിച്ചിട്ടുള്ള ഡോ.ഗോപകുമാർ ആരോഗ്യമേഖലയിലെ പ്രഭാഷകനും എഴുത്തുകാരനുമാണ്.