വാഹന പാര്ക്കിംഗിനെ ചൊല്ലി തര്ക്കം; കൂട്ടയടിയിൽ മൂന്നു പേർക്ക് പരിക്ക്
![വാഹന പാര്ക്കിംഗിനെ ചൊല്ലി തര്ക്കം; കൂട്ടയടിയിൽ മൂന്നു പേർക്ക് പരിക്ക്](https://timeskerala.com/static/c1e/client/91214/uploaded/7f7b606fe1917916c89a9e8c88c45399.webp)
കൊല്ലം: വാഹന പാര്ക്കിംഗിനെ ചൊല്ലിയുള്ള തർക്കം കൂട്ടയടിയിൽ കലാശിച്ചു. അഞ്ചൽ ഇടമുളയ്ക്കലിൽ ഞായറാഴ്ച ഉച്ചയ്ക്കുണ്ടായ സംഭവത്തിൽ മൂന്നു പേർക്ക് പരിക്കേറ്റു. ആഷിഖ് ഹുസൈനും ഭാര്യയ്ക്കും മർദനം തടയാനെത്തിയ പനച്ചിവിള സ്വദേശി അനിക്കുമാണ് ആക്രമണത്തിൽ പരിക്കേറ്റത്. വീട് നിർമാണം നടക്കുന്നയിടത്തേക്ക് വെള്ളം കൊണ്ടുവന്ന വാഹനം മറ്റ് വാഹനങ്ങൾക്ക് പോകാനാകാത്ത വിധം റോഡരികിൽ നിർത്തിയിട്ടിരുന്നു.
![](https://timeskerala.com/static/c1e/static/themes/16/91214/3752/images/New-Creative-.png)
ഈ സമയം ബൈക്കിൽ എത്തിയ തുമ്പിക്കുന്ന് സ്വദേശി ഷാനവാസും റിയാസും ബൈക്കിന് പോകാൻ സ്ഥലമില്ലെന്ന് ദന്പതികളോടു പറയുകയും തുടർന്നുണ്ടായ തർക്കം കൂട്ടയടിയിൽ കലാശിക്കുകയുമായിരുന്നു. ആക്രമണത്തിന് നേതൃത്വം നൽകിയ ഷാനവാസ് ഭാര്യയെ കൊലപ്പെടുത്തിയ കേസിലെ പ്രതിയാണ്. സംഭവത്തിൽ ഇരു കൂട്ടരും പോലീസിൽ പരാതി നൽകിയിട്ടുണ്ട്.