അടുക്കളത്തോട്ടത്തിൽ കഞ്ചാവുചെടികൾ വളർത്തി : യുവാവിനെതിരെ കേസ്, പ്രതി രക്ഷപ്പെട്ടു
Sun, 19 Mar 2023
കൂത്തുപറമ്പ്: വീടിന്റെ അടുക്കളത്തോട്ടത്തിൽ മൂന്ന് കഞ്ചാവുചെടികൾ കണ്ടെത്തിയ സംഭവത്തിൽ യുവാവിനെതിരെ കേസെടുത്തു. കൈതേരി കപ്പണ സ്വദേശി പി.വി. സിജിഷിനെതിരെയാണ് കേസെടുത്തത്. കൈതേരി ലക്ഷംവീട് കോളനിയിലാണ് സംഭവം. പ്രതി സിജിഷ് സംഭവസ്ഥലത്തു നിന്ന് രക്ഷപ്പെട്ടു. കൂത്തുപറമ്പ് സർക്കിൾ എക്‌സൈസ് ഇൻസ്‌പെക്ടറുടെ ചുമതല വഹിക്കുന്ന പിണറായി റേഞ്ച് എക്‌സൈസ് ഇൻസ്‌പെക്ടർ സുബിൻരാജും സംഘവും രഹസ്യവിവരത്തിന്റെ അടിസ്ഥാനത്തിലാണ് പരിശോധന നടത്തിയത്. കൂത്തുപറമ്പ്, മാനന്തവാടി പൊലീസ് സ്റ്റേഷനുകളിലെ കഞ്ചാവ് കേസുകളിലെ പ്രതിയാണ് സിജിഷെന്ന് എക്‌സൈസ് സംഘം പറഞ്ഞു. യുവാവിനായി പൊലീസ് അന്വേഷണം ശക്തമാക്കി.