യുവാക്കളുടെ തിരോധാനം അന്വേഷണം ക്രൈംബ്രാഞ്ച് ഏറ്റെടുത്തു
Feb 13, 2024, 06:47 IST
![യുവാക്കളുടെ തിരോധാനം അന്വേഷണം ക്രൈംബ്രാഞ്ച് ഏറ്റെടുത്തു](https://timeskerala.com/static/c1e/client/91214/uploaded/c465925f82c7d807dff1f5bd5b3de6b5.webp)
പാലക്കാട്: മുതലമടയിലെ യുവാക്കളുടെ തിരോധാനക്കേസ് ക്രൈംബ്രാഞ്ച് ഏറ്റെടുത്തു. കേസ് സിബിഐക്ക് കൈമാറണമെന്ന് ആവശ്യമുയരുന്നതിനിടെയാണ് സംസ്ഥാന ക്രൈംബ്രാഞ്ച് കേസ് ഏറ്റെടുത്തിരിക്കുന്നത്. 2021 ഓഗസ്റ്റ് 30ന് രാത്രിയാണ് ചപ്പക്കാട് ലക്ഷംവീട് കോളനിയിലെ സ്റ്റീഫന്, മുരുകേശന് എന്നിവരെ കാണാതായത്.
ആദ്യം ലോക്കല് പോലീസും തുടര്ന്ന് ജില്ലാ ക്രൈംബ്രാഞ്ചും അന്വേഷണം നടത്തിയെങ്കിലും കാര്യമായ പുരോഗതി ഇല്ലാതെ വന്നതോടെയാണ് കേസ് സംസ്ഥാന ക്രൈം ബ്രാഞ്ച് ഏറ്റെടുത്തത്. സംസ്ഥാന ക്രൈംബ്രാഞ്ച് ഡിവൈഎസ്പി എസ്. ഷംസുദ്ദീൻ അന്വേഷണത്തിന് നേതൃത്വം നൽകും.