സി.പി.എം പ്രവർത്തകന് മർദനം; മൂന്ന് ലീഗ് പ്രവർത്തകർ കൂടി അറസ്റ്റിൽ
May 14, 2024, 21:43 IST
![സി.പി.എം പ്രവർത്തകന് മർദനം; മൂന്ന് ലീഗ് പ്രവർത്തകർ കൂടി അറസ്റ്റിൽ](https://timeskerala.com/static/c1e/client/91214/uploaded/94bb48442e2122f5913afc0b7d237e73.webp)
തളിപ്പറമ്പ്: ലോക്സഭ തെരഞ്ഞെടുപ്പ് ദിവസം കുപ്പം എം.എം.യു.പി സ്കൂളിന് സമീപത്ത് സി.പി.എം പ്രവർത്തകനെ മർദിച്ച് പരിക്കേൽപിച്ച കേസിൽ മൂന്ന് ലീഗ് പ്രവർത്തകർകൂടി അറസ്റ്റിൽ. കുപ്പത്തെ പുളിയൻ മൂലയിൽ മൊയ്തു (48), ടി.കെ. ഷുഹൈബ്(33), പി. മൊയ്തീൻ (29) എന്നിവരെയാണ് തളിപ്പറമ്പ് ഇൻസ്പെക്ടർ ബെന്നി ലാലു അറസ്റ്റ് ചെയ്തത്. സി.പി.എം ബൂത്ത് ഏജൻറായ കുപ്പം മരത്തക്കാട്ടെ ബി. സുനിൽകുമാറിനെ മർദിച്ചുവെന്ന പരാതിയിലാണ് അറസ്റ്റ്. തലക്കും മുഖത്തും പരിക്കേറ്റ സുനിൽകുമാറിനെ തളിപ്പറമ്പ് സഹകരണാശുപത്രിയിൽ പ്രവേശിപ്പിച്ചിരുന്നു വനിത വോട്ടറോട് അപമര്യാദയായി പെരുമാറിയത് ചോദ്യം ചെയ്തപ്പോൾ ലീഗ് പ്രവർത്തകർ മർദിച്ചുവെന്നാണ് പരാതിയിൽ പറഞ്ഞിരുന്നത്.