യുഡിഎഫ് അവിശ്വാസ പ്രമേയത്തെ പിന്തുണച്ച് സിപിഎം ; രാമങ്കിരി പഞ്ചായത്ത് പ്രസിഡന്‍റ് പാർട്ടി വിട്ടു
May 14, 2024, 16:50 IST
ആലപ്പുഴ: കുട്ടനാട്ടിലെ രാമങ്കിരി പഞ്ചായത്തിൽ യുഡിഎഫ് കൊണ്ടുവന്ന അവിശ്വാസ പ്രമേയത്തെ സിപിഎം പിന്തുണച്ചതോടെ സിപിഎം അംഗമായ പഞ്ചായത്ത് പ്രസിഡന്‍റിന് സ്ഥാനം നഷ്ടമായി. 13 അംഗ പഞ്ചായത്തില്‍ സിപിഎമ്മിന് ഒമ്പതും യുഡിഎഫിന് നാലും അംഗങ്ങളാണുള്ളത്. ഇതില്‍ എട്ടുപേരാണ് അവിശ്വാസത്തെ അനുകൂലിച്ചത്. നാല് സിപിഎം അംഗങ്ങൾ അവിശ്വാസത്തിന് അനുകൂലമായി വോട്ട് ചെയ്തു. ഭരണം നഷ്ടമായതോടെ പഞ്ചായത്ത് പ്രസിഡന്‍റ് രാജേന്ദ്ര കുമാർ പാർട്ടി വിട്ടു. സിപിഎമ്മുമായി എല്ലാ ബന്ധവും ഉപേക്ഷിച്ചെന്ന് രാജേന്ദ്രകുമാര്‍ പറഞ്ഞു.