റോഡ് പണിയിൽ അഴിമതി; കോൺട്രാക്ടർക്കും എഞ്ചിനിയർമാർക്കും തടവും പിഴയും
May 8, 2024, 17:41 IST
![റോഡ് പണിയിൽ അഴിമതി; കോൺട്രാക്ടർക്കും എഞ്ചിനിയർമാർക്കും തടവും പിഴയും](https://timeskerala.com/static/c1e/client/91214/uploaded/f899c0c454c657314b0c313748143e41.webp)
തൃശൂർ: റോഡ് നിർമാണത്തിലെ അഴിമതിയുമായി ബന്ധപ്പെട്ട കേസിൽ കോൺട്രാക്ടർക്കും എഞ്ചിനിയർമാർക്കും തടവും പിഴയും. കേസിലെ ഒന്നാം പ്രതി കോൺട്രാക്ടർ ടി.ഡി. ഡേവിസ്, രണ്ടാം പ്രതി അസിസ്റ്റന്റ് എഞ്ചിനീയർ മെഹറുനിസ, മൂന്നാം പ്രതി അസിസ്റ്റന്റ് എക്സിക്യൂട്ടീവ് എഞ്ചിനീയർ റൂഖിയ എന്നിവരെയാണ് ശിക്ഷിച്ചത്. ചിലങ്ക- അരീക്കാ റോഡ് പുനർനിർമാണത്തിലെ അഴിമതിയുമായി ബന്ധപ്പെട്ട കേസിലാണ് കോടതി വിധി. മൂന്ന് വർഷം വീതം കഠിന തടവും 20,000 രൂപ വീതം പിഴയുമാണ് തൃശൂർ വിജിലൻസ് കോടതി വിധിച്ചത്. 2006 ൽ ആണ് കേസിനാസ്പദമായ സംഭവം നടന്നത്. റോഡ് പണിക്ക് ഉപയോഗിച്ച സാമഗ്രികളിൽ കൃത്രിമം കാണിച്ച് പ്രതികൾ സർക്കാരിന് നഷ്ടം വരുത്തി എന്നാണ് കേസ്.