കൊച്ചി: മുൻകൂർ നോട്ടീസ് നൽകാതെ എഴുന്നൂറിലധികം ജീവനക്കാരെ കൂട്ടത്തോടെ പിരിച്ചുവിട്ടതിനെത്തുടർന്ന് കനത്ത പ്രതിഷേധം നേരിടുന്ന ‘കോറോ ഹെൽത്ത്’ ഈ മാസം പത്താം തീയതി വരെ നിലവിലുള്ള സ്ഥിതിയിൽ തുടർന്നുപ്രവർത്തിക്കും. ജീവനക്കാരുടെ ഭാഗത്തുനിന്നുണ്ടായ ശക്തമായ പ്രതിഷേധങ്ങൾക്കൊടുവിൽ കമ്പനി പ്രതിനിധികളുമായി ലേബർ കമ്മീഷണറും തൃക്കാക്കര എം.എൽ.എ ഉമാ തോമസും നടത്തിയ നിർണ്ണായക ചർച്ചയിലാണ് തൽസ്ഥിതി തുടരാൻ ധാരണയായത്.(CorroHealth To Remain Open Till July 10 Layoff Controversy Meets Govt Intervention)
വരും ദിവസങ്ങളിൽ ജോലി ഇല്ലെങ്കിൽ പോലും ജീവനക്കാരെ ഓഫീസിൽ പ്രവേശിപ്പിക്കാൻ കമ്പനി സമ്മതിച്ചിട്ടുണ്ട്. ജൂലൈ പത്തിന് തൊഴിൽമന്ത്രിയുടെ നേതൃത്വത്തിൽ കമ്പനി അധികൃതരുമായി നടത്തുന്ന ചർച്ചയിലാകും അന്തിമ തീരുമാനം.
കമ്പനിയുടെ ലീഗൽ പ്രതിനിധിയുമായി നടത്തിയ ചർച്ചയിൽ അനുകൂലമായ താൽക്കാലിക തീരുമാനം ഉണ്ടായതായി ഉമാ തോമസ് മാധ്യമങ്ങളോട് പറഞ്ഞു. ഡൈനിങ്, വാഷ്റൂം ഉൾപ്പെടെയുള്ള എല്ലാ അടിസ്ഥാന സൗകര്യങ്ങളും ഉറപ്പാക്കി ഇന്ന് മുതൽ തന്നെ ജീവനക്കാരെ ഓഫീസിൽ പ്രവേശിക്കാൻ അനുവദിക്കും. പത്താം തീയതി തൊഴിൽമന്ത്രി നടത്തുന്ന ചർച്ചയിൽ തൊഴിലാളികളുടെ താല്പര്യം സംരക്ഷിക്കുന്ന സമവായം ഉണ്ടാകുമെന്നാണ് പ്രതീക്ഷയെന്നും എം.എൽ.എ കൂട്ടിച്ചേർത്തു.
Story Summary
Following intense protests over the sudden layoff of over 700 employees, CorroHealth will remain operational until July 10. The decision follows a meeting between the company, Labour Commissioner, and MLA Uma Thomas. Employees will be allowed office access with full amenities, pending a final conciliation meeting led by Labour Minister Bindu Krishna on July 10.
