ന്യൂഡൽഹി: പ്രധാനമന്ത്രി നരേന്ദ്ര മോദിയുടെ വീഡിയോ ഫേസ്ബുക്കിൽ താൽക്കാലികമായി ബ്ലോക്ക് ചെയ്യപ്പെട്ട സംഭവത്തിൽ കേന്ദ്ര സർക്കാറിനോട് ക്ഷമ ചോദിച്ച് മെറ്റ. സാങ്കേതിക തകരാറ് കാരണമാണ് വീഡിയോ നീക്കം ചെയ്യപ്പെട്ടതെന്നും പിഴവ് തിരുത്തി വീഡിയോ പുനഃസ്ഥാപിച്ചിട്ടുണ്ടെന്നും മെറ്റ വക്താവ് വ്യക്തമാക്കി.(Meta Apologises To Government Over Temporary Block Of PM Modi Facebook Video)
ചോദ്യപേപ്പർ ചോർച്ചയ്ക്കെതിരെ കർശന നടപടിയും നിയമനിർമ്മാണവും സ്വീകരിക്കുമെന്ന് ഉറപ്പുനൽകി ജൂലൈ 23-ന് പ്രധാനമന്ത്രി യുവാക്കളെ അഭിസംബോധന ചെയ്ത് പങ്കുവെച്ച വീഡിയോയാണ് ചൊവ്വാഴ്ച പുലർച്ചെ തടസ്സപ്പെട്ടത്. നിയമപരമായ അഭ്യർത്ഥനയെ തുടർന്നാണ് ഇന്ത്യയിലെ ഉപയോക്താക്കൾക്ക് ഈ വീഡിയോ ലഭ്യമാകാത്തതെന്ന സന്ദേശമാണ് സ്ക്രീനിൽ കാണിച്ചിരുന്നത്.
സംഭവത്തെ കേന്ദ്ര സർക്കാർ ഗൗരവത്തോടെയാണ് കാണുന്നതെന്നും വിഷയം വിശദമായി പരിശോധിച്ചുവരികയാണെന്നും ഔദ്യോഗിക വൃത്തങ്ങൾ അറിയിച്ചു. ഇതിന്റെ ഭാഗമായി മെറ്റയുടെയും ഇൻസ്റ്റഗ്രാമിന്റെയും ആഗോള തലവൻമാരെയും ബന്ധപ്പെട്ട ഉദ്യോഗസ്ഥരെയും നേരിട്ട് വിളിപ്പിച്ചേക്കുമെന്നും റിപ്പോർട്ടുകളുണ്ട്.
Story Summary
Meta apologized to the Indian government after Prime Minister Narendra Modi’s Facebook video addressing youth on paper leak laws was briefly blocked due to a technical glitch. The content has been restored, but government officials are seriously examining the issue and may summon Meta representatives for further explanation.
