കൊച്ചി: വ്യാജ പ്രൊഫൈലുകൾ ഉപയോഗിച്ച് കെപിസിസിക്കെതിരെയും പാർട്ടി നേതാക്കൾക്കെതിരെയും നുണപ്രചാരണം നടത്തുന്നുവെന്നാണ് പരാതിയുടെ സാരം ( Cyber Attack Congress). കെപിസിസി പ്രസിഡന്റ് കെ. സുധാകരന്റെ നിർദ്ദേശപ്രകാരമാണ് ദീപ്തി മേരി വർഗീസ് നിയമനടപടി സ്വീകരിച്ചത്.
കോൺഗ്രസിനെ ലക്ഷ്യമിട്ട് പ്രവർത്തിക്കുന്ന തൊണ്ണൂറിലധികം വ്യാജ സോഷ്യൽ മീഡിയ പേജുകളുടെ പട്ടിക പരാതിക്കൊപ്പം സമർപ്പിച്ചിട്ടുണ്ട്.ചൂരൽമല ഉരുൾപൊട്ടൽ ദുരിതബാധിതർക്കായി കോൺഗ്രസ് സ്വരൂപിച്ച വീട് നിർമ്മാണ ഫണ്ടുമായി ബന്ധപ്പെട്ട് കഴിഞ്ഞ ദിവസങ്ങളിൽ സോഷ്യൽ മീഡിയയിൽ ഉയർന്ന ആരോപണങ്ങൾ വ്യാജമാണെന്ന് പരാതിയിൽ പറയുന്നു.
പാർട്ടിയെ പൊതുമധ്യത്തിൽ അപകീർത്തിപ്പെടുത്താനും ജനങ്ങളെ തെറ്റിദ്ധരിപ്പിക്കാനുമാണ് ഇത്തരം പ്രൊഫൈലുകൾ വഴി ബോധപൂർവമായ നീക്കങ്ങൾ നടത്തുന്നതെന്ന് ദീപ്തി ആരോപിച്ചു.
പാർട്ടിക്കെതിരെ സൈബർ ആക്രമണം നടത്തുന്ന പ്രൊഫൈലുകളെയും അതിന് പിന്നിൽ പ്രവർത്തിക്കുന്നവരെയും കണ്ടെത്തി നിയമത്തിന് മുന്നിൽ കൊണ്ടുവരണമെന്ന് കോൺഗ്രസ് ആവശ്യപ്പെട്ടു. കഴിഞ്ഞ ദിവസവും ഫണ്ട് വിവാദത്തിലെ സൈബർ ആക്രമണങ്ങൾക്കെതിരെ ദീപ്തി മേരി വർഗീസ് ഡിജിപിക്ക് പരാതി നൽകിയിരുന്നു.
Story Summary: KPCC General Secretary Deepti Mary Varghese filed a police complaint against over 90 fake social media accounts allegedly attempting to defame the Congress party. The complaint, submitted with the KPCC President’s approval, highlights a organized cyber attack following controversies regarding the Chooralmala landslide relief fund.
