അയൽവാസികൾ തമ്മിൽ സംഘർഷം; അട്ടപ്പാടിയിൽ ആദിവാസി യുവതിക്ക് വെട്ടേറ്റു
Nov 25, 2021, 22:02 IST
പാലക്കാട്: അട്ടപ്പാടിയിൽ ആദിവാസി യുവതിക്ക് വെട്ടേറ്റു. അയല്വാസികള് തമ്മിലുണ്ടായ സംഘര്ഷത്തിനിടെ ചാളയൂര് സ്വദേശി പാപ്പാത്തിക്കാണ് വെട്ടേറ്റത്. പരിക്കേറ്റ പാപ്പാത്തിയെ അട്ടപ്പാടി അഗളിയിലെ കോട്ടത്തറ ട്രൈബല് ആശുപത്രിയില് പ്രവേശിപ്പിച്ചു. വ്യാഴാഴ്ച രാവിലെയാണ് സംഭവം. നേരത്തെ തന്നെ അയല്വാസികള് തമ്മില് വസ്തുതര്ക്കം നിലനിന്നിരുന്നു. ഇതേച്ചൊല്ലി വാക്കേറ്റമുണ്ടാവുകയും അയല്വാസിയായ ഗുരുസ്വാമി എന്നയാള് പാപ്പാത്തിയുടെ തലയ്ക്ക് വെട്ടുകയുമായിരുന്നു എന്നാണ് വിവരം. അതേസമയം, യാതൊരു പ്രകോപനവുമില്ലാതെയാണ് ഗുരുസ്വാമി ആക്രമിച്ചതെന്നാണ് പാപ്പാത്തിയുടെ മൊഴി.