കൊച്ചി: മാസപ്പടി കേസിൽ വീണ വിജയനെതിരെ അന്വേഷണം ശക്തമാക്കി എൻഫോഴ്സ്മെന്റ് ഡയറക്ടറേറ്റ്. കേസിൽ നിർണ്ണായകമായ തെളിവുകൾ ശേഖരിക്കുന്നതിനായി എറണാകുളം പിഎംഎൽഎ കോടതിയെ ഇഡി സമീപിച്ചു. നിലവിൽ എസ്എഫ്ഐഒ കസ്റ്റഡിയിലുള്ള 134 രേഖകൾ കൈമാറണമെന്നാണ് ഇഡിയുടെ ആവശ്യം.(CMRL case, ED Seeks 134 Documents From SFIO In CMRL Case Investigation)
അന്വേഷണത്തിന്റെ ഭാഗമായി ഇഡി കോടതിയിൽ സമർപ്പിച്ച ഹർജിയിൽ ആവശ്യപ്പെട്ടിരിക്കുന്ന ചില പ്രധാന രേഖകൾ വീണയും സിഎംആർഎല്ലും തമ്മിൽ 2016-ൽ ഒപ്പുവെച്ച കരാർ, എക്സാലോജിക്കും സിഎംആർഎല്ലും തമ്മിൽ 2017-ൽ ഒപ്പുവെച്ച കരാർ, എക്സാലോജിക് കമ്പനിയുടെ ഫിനാൻഷ്യൽ സ്റ്റേറ്റ്മെന്റുകൾ, വീണയുടെ ആദായനികുതി (IT) റിട്ടേൺ രേഖകൾ, എംപവർ ഇന്ത്യ കാപ്പിറ്റൽ കമ്പനിയുടെ വായ്പാ വിവരങ്ങൾ, വീണ വിജയന്റെ ലോൺ തിരിച്ചടവ് സംബന്ധിച്ച വിശദാംശങ്ങൾ എന്നിവയാണ്.
വീണ വിജയനെയും സിഎംആർഎൽ എംഡി ശശിധരൻ കർത്തയെയും ചോദ്യം ചെയ്യുന്നതിന് മുൻപായി ശക്തമായ തെളിവുകൾ ശേഖരിക്കാനാണ് ഇഡിയുടെ തീരുമാനം. കേസിന് വലിയ രാഷ്ട്രീയ പ്രാധാന്യമുള്ളതിനാൽ, നിയമനടപടികളിൽ വീഴ്ചയുണ്ടാകാതിരിക്കാൻ ഏറെ ജാഗ്രതയോടെയാണ് ഇഡി നീങ്ങുന്നത്. തെളിവുകൾ പൂർണ്ണമായി ഉറപ്പുവരുത്തിയ ശേഷം കേസിനെ നിയമപരമായി മുന്നോട്ട് കൊണ്ടുപോകാനാണ് ഇഡിയുടെ നിലവിലെ പദ്ധതി.
Story Summary
The Enforcement Directorate (ED) has petitioned the Ernakulam PMLA Court to obtain 134 documents currently in the custody of the SFIO, as part of its ongoing investigation into the ‘Masappadi’ case involving Veena Vijayan. The ED plans to gather solid evidence, including corporate contracts and financial statements, before proceeding with the summons and questioning of the individuals involved to ensure the investigation’s legal integrity.
