മുഖ്യമന്ത്രി മെയ് 20ന് കേരളത്തിൽ തിരികെയെത്തും: സിംഗപ്പൂർ യാത്ര വെട്ടിച്ചുരുക്കി
May 15, 2024, 13:01 IST
ദുബായ്: മുഖ്യമന്ത്രി പിണറായി വിജയൻ സിംഗപ്പൂർ യാത്ര വെട്ടിച്ചുരുക്കി യു എ ഇയിലെത്തി. അദ്ദേഹം ദുബായിലെത്തിയത് പുലർച്ചെ അഞ്ച് മണിക്കാണ്. മുൻപ് അറിയിച്ചിരുന്നത് ദുബായിലെത്തുന്നത് 19ന് ആണെന്നായിരുന്നു. ഇന്ന് രാവിലെ നടന്ന ഓൺലൈൻ മന്ത്രിസഭായോഗത്തിലും മുഖ്യമന്ത്രി പങ്കെടുത്തത് ദുബായിൽ നിന്നാണ്. മന്ത്രിസഭാ യോഗത്തിൽ മുഖ്യമന്ത്രി അറിയിച്ചത് കേരളത്തിൽ തിരിച്ചെത്തുക 20ന് ആണെന്നാണ്. ഇന്നത്തെ മന്ത്രിസഭാ യോഗം നിയമസഭ സമ്മേളനം ചേരുന്ന തീയതി സംബന്ധിച്ച് തീരുമാനമെടുത്തിട്ടില്ല. ഇത് മുഖ്യമന്ത്രി നാട്ടിലെത്തിയ ശേഷം അടുത്തയാഴ്ച ചേരുന്ന മന്ത്രിസഭാ യോഗത്തിൽ തീരുമാനിക്കുമെന്നാണ് വിവരം.