കോഴിക്കോട് ബാലവിവാഹം;15 വയസുള്ള പെണ്കുട്ടിയെ ജുവനൈല് ഹോമിലേക്ക് മാറ്റി
Apr 4, 2024, 17:47 IST
![marriage](https://timeskerala.com/static/c1e/client/91214/uploaded/805ad261025b7b174cfff4b1b1a397de.jpg)
കോഴിക്കോട് ബാലവിവാഹം നടന്നതായി പൊലീസ് കണ്ടെത്തല്. 15 വയസുള്ള തമിഴ്നാട് സ്വദേശിയായ പെണ്കുട്ടിയെ ജുവനൈല് ഹോമിലേക്ക് പോലീസ് അധികൃതർ മാറ്റി. എലത്തൂര് പോലീസ്, കുട്ടിയുടെ മൊഴിയുടെ അടിസ്ഥാനത്തില് എഫ്ഐആര് രജിസ്റ്റര് ചെയ്തു.
കോഴിക്കോട് വെസ്റ്റ് ഹില്ലില് ഒരുമിച്ച് താമസിക്കുകയായിരുന്ന ഇരുപത്തിയെട്ടുകാരനായ യുവാവും പെണ്കുട്ടിയുമാണ് ബാലവിവാഹം കഴിച്ചതായി പോലീസ് കണ്ടെത്തിയത്. ചൊവ്വാഴ്ച ബാലവിവാഹം നടന്നതായി എലത്തൂര് പൊലീസിന് രഹസ്യ വിവരം ലഭിക്കുകയായിരുന്നു. തുടര്ന്ന് നടത്തിയ അന്വേഷണത്തില് ഇവരെ പോലീസ് കണ്ടെത്തുകയും 15കാരിയായ പെണ്കുട്ടിയെ ജുവനൈല് ഹോമിലേക്ക് മാറ്റുകയും ചെയ്തു. അതേസമയം എന്നാണ് വിവാഹം നടന്നതെന്നോ എവിടെ വച്ചാണെന്നോ എന്ന് ഇതുവരെ വ്യക്തമല്ല. പൊലീസ് അന്വേഷണം പുരോഗമിക്കുകയാണ്.
![](https://timeskerala.com/static/c1e/static/themes/16/91214/3752/images/New-Creative-.png)