തിരുവനന്തപുരം-മംഗളൂരു വന്ദേഭാരതിന്‍റെ സമയത്തില്‍ മാറ്റം
May 11, 2024, 07:59 IST
കോഴിക്കോട്: തിരുവനന്തപുരം സെന്‍ട്രല്‍- മംഗളൂരു സെന്‍ട്രല്‍ വന്ദേഭാരത് എക്‌സപ്രസി(20632)ന്‍റെ സമയത്തില്‍ പുനഃക്രമീകരണം. എറണാകുളം ജംഗ്ഷനില്‍ നിലവില്‍ വൈകീട്ട് 6.35-ന് എത്തുന്ന ട്രെയിന്‍ പുതിയ ടൈംടേബിള്‍ പ്രകാരം 6.42-നാണ് എത്തിച്ചേരുക. 6.45 സ്റ്റേഷനില്‍നിന്ന് യാത്രപുനരാരംഭിക്കും. മേയ് 13 തിങ്കളാഴ്ച മുതല്‍ പുതിയ സമയക്രമം നിലവില്‍ വരും.
തിരുവനന്തപുരത്തുനിന്ന് യാത്രയാരംഭിക്കുന്ന ട്രെയിനിന്‍റെ എറണാകുളം ജംഗ്ഷന്‍, തൃശൂര്‍, ഷൊര്‍ണൂര്‍ ജംഗ്ഷന്‍, തിരൂര്‍, കോഴിക്കോട്, കണ്ണൂര്‍, കാസർഗോഡ് സ്‌റ്റേഷനുകളിലെ സമയത്തിലാണ് മാറ്റം വരുത്തിയിരിക്കുന്നത്.