ചക്കരപ്പറമ്പ് വാഹനാപകടം: കെഎസ്ആർടിസി ഡ്രൈവർക്ക് സസ്പെൻഷൻ
കൊച്ചി: രണ്ട് ബൈക്ക് യാത്രക്കാരുടെ മരണത്തിന് ഇടയാക്കിയ ചക്കരപ്പറമ്പ് വാഹനാപകടത്തിൽ കെഎസ്ആർടിസി ഡ്രൈവറെ സസ്പെൻഡ് ചെയ്തു. അപകടമുണ്ടാക്കിയ സ്കാനിയ ബസിലെ ഡ്രൈവർ തിരുവനന്തപുരം സെൻട്രൽ യൂണിറ്റിലെ കെ.എ.അനിലിനെയാണ് അന്വേഷണ വിധേയമായി സസ്പെൻഡ് ചെയ്തത്.
സ്കാനിയ ബസ് പിന്നിലിടിച്ചതോടെ മുന്നിൽ പോയ കെഎസ്ആർടിസി ഓർഡിനറി ബസിനടിയിലേക്ക് ബൈക്ക് ഇടിച്ചു കയറുകയായിരുന്നു. ബൈക്കിലുണ്ടായിരുന്ന രണ്ടു യാത്രികരും സംഭവ സ്ഥലത്ത് തന്നെ മരിച്ചു.കഴിഞ്ഞ 10ന് എറണാകുളം ചക്കരപ്പറമ്പിൽ വെച്ചായിരുന്നു അപകടം സംഭവിച്ചത്. കൊല്ലൂർനിന്നു തിരുവനന്തപുരത്തേക്ക് പോവുകയായിരുന്ന കെഎസ്ആർടിസിയുടെ സ്കാനിയ ബസ് ബൈക്കിലിടിച്ചാണ് അപകടമുണ്ടായത്. അപകടമുണ്ടാക്കിയ ബസിന് മുന്നിലായിരുന്നു ബൈക്ക്.