ജനുവരി 23 മുതൽ റിപ്പബ്ലിക് ദിനാഘോഷം ആരംഭിക്കാൻ കേന്ദ്രസർക്കാർ നീക്കം
Jan 15, 2022, 13:18 IST
ന്യൂഡൽഹി: എല്ലാ വർഷവും ജനുവരി 23 മുതൽ റിപ്പബ്ലിക് ദിനാഘോഷം ആരംഭിക്കാൻ കേന്ദ്രസർക്കാർ നീക്കം. നേതാജി സുഭാഷ് ചന്ദ്രബോസിന്‍റെ ജന്മദിനം ഉൾപ്പെടുത്തി എല്ലാ വർഷവും ജനുവരി 24 ന് പകരം 23 മുതൽ റിപ്പബ്ലിക് ദിന ആഘോഷങ്ങൾ ആരംഭിക്കാനാണ് തീരുമാനം എടുത്തിരിക്കുന്നത് . സുഭാഷ് ചന്ദ്രബോസിന്‍റെ ജന്മദിനം പരാക്രം ദിവസാമായി കേന്ദ്രം നേരത്തെ ആചരിക്കാൻ തുടങ്ങിയിരുന്നു.സുഭാഷ് ചന്ദ്രബോസിനെ ആദരിക്കാനുള്ള തീരുമാനത്തെ അദ്ദേഹത്തിന്‍റെ കൊച്ചുമകൻ അഭിനന്ദിച്ചു. എന്നാൽ നേതാജിയുടെ എല്ലാവരേയും ഉൾക്കൊള്ളുന്ന പ്രത്യയശാസ്ത്രമാണ് നടപ്പാക്കേണ്ടതെന്ന് കൊച്ചുമകൻ ചന്ദ്രകുമാർ ബോസ് പറഞ്ഞു.