നെല്ലിമറ്റത്ത് കാറും രണ്ട്‌ ഇരുചക്രവാഹനങ്ങളും കൂട്ടിയിടിച്ചുണ്ടായ അപകടത്തില്‍ യുവാവ് മരിച്ചു
Feb 3, 2024, 17:13 IST
കോതമംഗലം: നെല്ലിമറ്റത്ത് കാറും രണ്ട്‌ ഇരുചക്രവാഹനങ്ങളും കൂട്ടിയിടിച്ചുണ്ടായ അപകടത്തില്‍ യുവാവ് മരിച്ചു. ബൈക്ക് യാത്രികനായ മൂവാറ്റുപുഴ മുളവൂര്‍ വെള്ളത്തിനാനിക്കല്‍ ബേസില്‍ ജോയ് (27) ആണ് മരിച്ചത്. അപകടത്തിൽ മൂന്നുപേര്‍ക്ക് സാരമായി പരിക്കേറ്റിട്ടുണ്ട്. സ്‌കൂട്ടറില്‍ യാത്ര ചെയ്തിരുന്ന പയ്യാലില്‍ കരിയാട്ടുകുടി ഇന്ദു സജി (38), മകന്‍ സിദ്ധാർത്ഥ് (11), കാറില്‍ ഉണ്ടായിരുന്ന കൊച്ചി ചാലിയാട്ട് പേളി പോള്‍ (27) എന്നിവര്‍ക്കാണ് പരിക്കേറ്റത്. ഇവരെ കോതമംഗലത്തെ സ്വകാര്യ ആശുപത്രിയില്‍ പ്രവേശിപ്പിച്ചു. ശനിയാഴ്ച ഉച്ചയ്ക്കാണ് അപകടം സംഭവിച്ചത്. കൂട്ടിയിടിച്ച മൂന്ന് വാഹനങ്ങളും ദേശീയപാതാ വികസനത്തിനായി താഴ്ത്തിയ കാനയിലേക്ക് മറിയുകയായിരുന്നു.