അങ്കമാലിയില്‍ ഓടിക്കൊണ്ടിരുന്ന കാറിന് തീപിടിച്ചു
Jun 9, 2024, 09:46 IST
കൊച്ചി: അങ്കമാലിയില്‍ ഓടിക്കൊണ്ടിരുന്ന കാറിന് തീപിടിച്ചു. ഇന്ന് പുലര്‍ച്ചെ അഞ്ചരയോടെയാണ് സംഭവം നടന്നത്. ആലുവ യുസി കോളജിന് സമീപം താമസിക്കുന്ന ആഷിക്കിന്‍റെ കാറാണ് അപകടത്തില്‍പെട്ടത്. രോഗിയുമായി ആലുവയില്‍നിന്ന് അങ്കമാലിയിലെ ആശുപത്രിയിലേക്ക് പോയ വാഹനത്തില്‍നിന്ന് പെട്ടെന്ന് പുക ഉയരുകയായിരുന്നു. ഉടൻ തന്നെ യാത്രക്കാര്‍ ഇറങ്ങി ഓടിയതിനാല്‍ വലിയ അപകടം ഒഴിവായി. സംഭവത്തില്‍ ആര്‍ക്കും പരിക്കില്ല. അങ്കമാലിയില്‍നിന്ന് ഫയര്‍ഫോഴ്‌സ് എത്തിയാണ് തീയണച്ചത്. വാഹനത്തിലെ ബാറ്ററിയില്‍നിന്നുണ്ടായ ഷോര്‍ട്ട് സര്‍ക്യൂട്ടാണ് അപകടത്തിന് കാരണമെന്നാണ് പ്രാഥമിക നിഗമനം.