വിയ്യൂർ ജയിലിൽ നിന്ന് കഞ്ചാവും, മൊബൈലും പിടികൂടി ; കണ്ടെടുത്തത് കെവിന്‍ വധക്കേസ് പ്രതിയുടെ ബ്ലോക്കില്‍ നിന്ന്
Oct 14, 2021, 11:38 IST
തൃശൂർ : വിയ്യൂർ സെൻട്രൽ ജയിലിൽ അധികൃതർ നടത്തിയ പരിശോധനയിൽ മൊബൈൽ ഫോണും കഞ്ചാവും പിടികൂടി. കെവിൻ ദുരഭിമാനക്കൊലക്കേസിലെ പ്രതി ടിറ്റോ ജെറോമിന്‍റെ ബ്ലോക്കിൽ നടത്തിയ പരിശോധനയിലാണ് കഞ്ചാവും മൊബൈലും ലഭിച്ചത്.ഉദ്യോഗസ്ഥരെ ഭീഷണിപ്പെടുത്തുന്നുവെന്ന ആരോപണത്തെത്തുടർന്ന് ടിറ്റോയെ കഴിഞ്ഞ ചൊവ്വാഴ്‌ച ഇ 2 ബ്ലോക്കിൽ ഐസലേഷൻ സെല്ലിലേക്ക് മാറ്റിയിരുന്നു. സെല്ലിന് സമീപം മറ്റൊരു തടവുകാരൻ ബക്കറ്റുമായി നിൽക്കുന്നതിൽ സംശയം തോന്നിയ അധികൃതർ നടത്തിയ പരിശോധനയിലാണ് കഞ്ചാവും സിം ഇല്ലാത്ത മൊബൈൽഫോണും കണ്ടെത്തിയത്. തുടർന്ന് ഡിജിപിയുടെ നിർദേശ പ്രകാരം ടിറ്റോ ജെറോമിനെ അതിസുരക്ഷാ ജയിലിലേക്ക് മാറ്റി.