കൈക്കൂലി  : പാലക്കാട് പാലക്കയം വില്ലേജ് അസിസ്റ്റന്റ് സുരേഷ് കുമാറിനെ സർവീസിൽ നിന്ന് സസ്പെൻഡ് ചെയ്തു

കൈക്കൂലി വാങ്ങുന്നതിനിടെ വിജിലൻസിന്റെ പിടിയിലായ പാലക്കാട് പാലക്കയം വില്ലേജ് അസിസ്റ്റന്റ് സുരേഷ് കുമാറിനെ സർവീസിൽ നിന്ന് സസ്പെൻഡ് ചെയ്തു. ഇയാളുടെ വീട്ടിൽ നിന്ന് ഒരു കോടിയിലധികം രൂപയും വിവിധ പാരിതോഷികങ്ങളും പിടിച്ചെടുത്തു. നേരത്തെ, തൃശൂർ വിജിലൻസ് കോടതി ഇയാളെ 14 ദിവസത്തേക്ക് റിമാൻഡ് ചെയ്തിരുന്നു. കൈക്കൂലി വാങ്ങാൻ ശ്രമിച്ച സുരേഷ് കുമാറിനെ ഇന്നലെ മണ്ണാർക്കാട് താലൂക്ക്തല അദാലത്തിൽ വിജിലൻസ് പിടികൂടിയിരുന്നു. വിജിലൻസ് സംഘം നടത്തിയ പരിശോധനയിൽ ഇയാൾ താമസിച്ചിരുന്ന ലോഡ്ജ് മുറിയിൽ നിന്ന് മുപ്പത്തിയഞ്ച് ലക്ഷത്തി ഏഴായിരം രൂപ കണ്ടെത്തി. 45 ലക്ഷം രൂപയുടെ സ്ഥിരനിക്ഷേപത്തിന്റെ രേഖകളും ഉദ്യോഗസ്ഥർ പിടിച്ചെടുത്തു.