പക്ഷിപ്പനി: ആലപ്പുഴയിൽ 53,000 വളർത്തു പക്ഷികളെ കൊന്നൊടുക്കി

ഏവിയൻ ഇൻഫ്ലുവൻസ ബാധിച്ച ആലപ്പുഴ ജില്ലയിൽ ഈ വർഷം ഇതുവരെ 53,000 വളർത്തു പക്ഷികളെ കൊന്നൊടുക്കിയതായി അധികൃതർ ചൊവ്വാഴ്ച പറഞ്ഞു. ഈ വർഷം ഏപ്രിൽ 17നാണ് എടത്വാ, ചെറുതന ഗ്രാമപഞ്ചായത്തുകളിലെ ഏതാനും വാർഡുകളിലെ താറാവുകളിൽ പക്ഷിപ്പനി ആദ്യമായി റിപ്പോർട്ട് ചെയ്തത്.

അമ്പലപ്പുഴ വടക്ക് ഗ്രാമപഞ്ചായത്തിലെ ഒമ്പതാം വാർഡിൽ പുതിയതായി പക്ഷിപ്പനി സ്ഥിരീകരിച്ചതായി അധികൃതർ അറിയിച്ചു.ഈ വാർഡിൻ്റെ ഒരു കിലോമീറ്റർ ചുറ്റളവിലുള്ള 6,777 വളർത്തു പക്ഷികളെ വ്യാഴാഴ്ച കൊന്നൊടുക്കും. ഈ വർഷം ഇതുവരെ ജില്ലയിൽ 53,455 വളർത്തു പക്ഷികളെ കൊന്നൊടുക്കി. ചെറുതന- 11,939, എടത്വാ- 31,811, അമ്പലപ്പുഴ നോർത്ത്- 540, തകഴി - 9,165 എന്നിങ്ങനെയാണ് കണക്ക്.