അമ്പലപ്പുഴ സ്വദേശിനിയായ 20കാരിയെ കണ്ണൂരിലെത്തിച്ച് തോക്കിൻമുനയിൽ നിർത്തി പീഡനശ്രമം; ഒരാൾ അറസ്റ്റിൽ
കണ്ണൂർ: അമ്പലപ്പുഴ സ്വദേശിനിയായ യുവതിയെ കണ്ണൂരിലെത്തിച്ചു പീഡിപ്പിക്കാൻ ശ്രമിച്ചതായി പരാതി. സംഭവത്തിൽ കണ്ണൂർ മരക്കാർകണ്ടി ഷാഹിദി (21) നെ പോലീസ് പിടികൂടി. ഒരാൾ ഒളിവിലാണ്. അമ്പലപ്പുഴ സ്വദേശിനി ബംഗളൂരുവിൽ വച്ചാണ് യുവാക്കളെ പരിചയപ്പെടുന്നത്. ഇതിൽ ഒരു യുവാവുമായി യുവതി പ്രണയത്തിലായി. തുടർന്ന് യുവതിയെ സംഘം കണ്ണൂരിലെത്തിക്കുകയായിരുന്നു. ഇവിടെ വച്ചു പീഡിപ്പിക്കാൻ ശ്രമിച്ചെന്നാണ് പരാതി. തോക്കുചൂണ്ടി കൊലപ്പെടുത്തുമെന്നു ഭീഷണി മുഴക്കിയാണ് പീഡിപ്പിക്കാൻ ശ്രമിച്ചതെന്നു പെൺകുട്ടി പോലിസിനു നൽകിയ പരാതിയിൽ പറയുന്നു. അതേസമയം, പെൺകുട്ടി സ്വയം വസ്ത്രങ്ങൾ വലിച്ചു കീറുകയായിരുന്നുവെന്നാണ് അറസ്റ്റിലായ യുവാവ് പോലിസിനോടു പറഞ്ഞത്. പെൺകുട്ടി കണ്ണൂർ ജില്ലാ ആശുപത്രിയിൽ ചികിത്സ തേടിയിരുന്നു. സംഭവത്തിലെ മറ്റൊരു പ്രതി മുനീറിനായി പോലിസ് അന്വേഷണം ഊർജിതമാക്കിയിട്ടുണ്ട്.