മയക്കുമരുന്നുമായി അസം സ്വദേശി പിടിയിൽ
May 9, 2024, 21:27 IST
![മയക്കുമരുന്നുമായി അസം സ്വദേശി പിടിയിൽ](https://timeskerala.com/static/c1e/client/91214/uploaded/62c6a742f780c1e32e7dbdf18ef743e2.gif)
തൃശൂർ: അസം സ്വദേശിയിൽ നിന്ന് ബ്രൗൺ ഷുഗറും കഞ്ചാവും പിടികൂടി. പെരിങ്ങാവ് ഭാഗത്ത് ലഹരി വിൽക്കുന്നുവെന്ന വിവരത്തിന്റെ അടിസ്ഥാനത്തിൽ സിറ്റി പൊലീസിന്റെ ലഹരി വിരുദ്ധ സ്ക്വാഡിന്റെ സഹായത്തോടെ വിയ്യൂർ പൊലീസ് നടത്തിയ പരിശോധനയിലാണ് പ്രതി മുക്സിദുൾ അലം (24) പിടിയിലായത്.
![](https://timeskerala.com/static/c1e/static/themes/16/91214/3752/images/New-Creative-.png)
പ്രതിക്കെതിരെ മുമ്പും വിയ്യൂർ പൊലീസ് സ്റ്റേഷനിൽ സമാന കേസുണ്ടായിരുന്നു. അന്വേഷണ സംഘത്തിൽ വിയ്യൂർ സബ് ഇൻസ്പെക്ടർ കെ. വിവേക് നാരായണൻ, സീനിയർ സിവിൽ പൊലീസ് ഓഫിസർ അബ്രഹാം, സിവിൽ പൊലീസ് ഓഫിസർ അനിൽകുമാർ എന്നിവരടങ്ങിയ സംഘമാണ് പ്രതിയെ പിടികൂടിയത്.