കാട്ടാനയെ മയക്കുവെടിവയ്ക്കാന്‍ ഉത്തരവിറങ്ങി
Feb 10, 2024, 17:23 IST
മാനന്തവാടി: വയനാട്ടിലെ മാനന്തവാടിയിലിറങ്ങിയ കാട്ടാനയെ മയക്കുവെടിവയ്ക്കാന്‍ വനംവകുപ്പ് ഉത്തരവിറക്കി. വെടിവച്ച ശേഷം ആനയെ വനമേഖലയില്‍ തുറന്നുവിടും. ആദ്യം ആനയെ മുത്തങ്ങ ക്യാന്പിലേക്ക് മാറ്റാനാണ് തീരുമാനം. അതേസമയം ആനയെ വെടിവച്ചു കൊല്ലണമെന്നാണു പ്രതിഷേധക്കാരുടെ ആവശ്യം. ആനയുടെ ആക്രമണത്തില്‍ മരിച്ച അജീഷിന്‍റെ കുടുംബത്തിന് നഷ്ടപരിഹാരം പ്രഖ്യാപിച്ചു. ആദ്യഗഡു അഞ്ച് ലക്ഷം രൂപ തിങ്കളാഴ്ച കൈമാറും. ആവശ്യങ്ങള്‍ രേഖാമൂലം അറിയിക്കണമെന്ന എംഎല്‍എയുടെ ആവശ്യം ബന്ധുക്കള്‍ അംഗീകരിച്ചില്ല.