അമീബിക് മസ്തിഷ്കജ്വരം; നിരീക്ഷണത്തിലിരുന്ന കുട്ടികളുടെ പരിശോധന ഫലം നെഗറ്റീവ്
![അമീബിക് മസ്തിഷ്കജ്വരം; നിരീക്ഷണത്തിലിരുന്ന കുട്ടികളുടെ പരിശോധന ഫലം നെഗറ്റീവ്](https://timeskerala.com/static/c1e/client/91214/uploaded/eef830bbdb635455bfa12e1b4567bac8.webp)
കോഴിക്കോട്: അമീബിക് മസ്തിഷ്കജ്വരമെന്ന സംശയത്തിൽ നിരീക്ഷണത്തിലുണ്ടായിരുന്ന നാല് കുട്ടികളുടെയും പരിശോധന ഫലം നെഗറ്റീവ്. രോഗ ലക്ഷണങ്ങളോടെ രണ്ട് ദിവസം മുമ്പാണ് കുട്ടികളെ ആശുപത്രിയിൽ പ്രവേശിപ്പിച്ചത്. നേരത്തെ രോഗം സ്ഥിരീകരിച്ച കുട്ടി കുളിച്ച കടലുണ്ടിപ്പുഴയില് നിരീക്ഷണത്തിലുണ്ടായിരുന്ന കുട്ടികളും കുളിച്ചിരുന്നു. പിന്നാലെ രോഗലക്ഷണങ്ങൾ പ്രകടമായതിനെ തുടർന്നാണ് കുട്ടികളെ നിരീക്ഷണത്തിലാക്കിയത്.
![](https://timeskerala.com/static/c1e/static/themes/16/91214/3752/images/New-Creative-.png)
മലപ്പുറം മൂന്നിയൂർ സ്വദേശിയായ കുട്ടിക്കാണ് രോഗം സ്ഥിരീകരിച്ചത്. കടലുണ്ടിപ്പുഴയില് കുളിച്ചപ്പോൾ അമീബ ശരീരത്തിൽ പ്രവേശിച്ചെന്നാണ് നിഗമനം. കുട്ടി കോഴിക്കോട് മെഡിക്കൽ കോളജിൽ ചികിത്സയിലാണ്.