വീണയ്‌ക്കെതിരായ ആരോപണം മുഖ്യമന്ത്രിയെ ലക്ഷ്യമിട്ട്: എം.വി.ഗോവിന്ദന്‍
Updated: Feb 2, 2024, 17:40 IST
തിരുവനന്തപുരം: വീണാ വിജയനെതിരായ ആരോപണം മുഖ്യമന്ത്രി പിണറായി വിജയനെ ലക്ഷ്യമിട്ടെന്ന് സിപിഎം സംസ്ഥാന സെക്രട്ടറി എം.വി.ഗോവിന്ദന്‍. മകളുടെ പേരിലാണ് ആരോപണമെങ്കിലും അച്ഛനിലേക്ക് എത്തുകയാണ് ലക്ഷ്യം. 
എക്‌സാലോജിക് കമ്പനിക്കെതിരായ എസ്എഫ്‌ഐഒ അന്വേഷണത്തിന് പിന്നില്‍ ബിജെപി ബന്ധമുണ്ടെന്നും എസ്എഫ്‌ഐഒ അന്വേഷണം ആവശ്യപ്പെട്ട് കോടതിയില്‍ പോയ ഷോണ്‍ ജോര്‍ജിന് ബിജെപി അംഗത്വം നല്‍കിയത് ഇതിന് തെളിവാണെന്നും ഗോവിന്ദന്‍ പ്രതികരിച്ചു. അന്വേഷണത്തിന് ഏത് ഏജന്‍സികള്‍ വേണമെങ്കിലും വരട്ടെയെന്നും ഗോവിന്ദന്‍ പറഞ്ഞു.
ബിജെപിയുടെ പല കേസുകളും കൈകാര്യം ചെയ്യുന്ന യുഡിഎഫ് എംഎല്‍എയാണ് നിയമസഭയില്‍ ഈ വിഷയം ഉന്നയിക്കുന്നതെന്നും ഗോവിന്ദന്‍ കൂട്ടിച്ചേര്‍ത്തു.