അതിജീവിതയെ പീഡനത്തിനിരയാക്കിയ കേസിൽ അഡ്വ. പി.ജി. മനു കീഴടങ്ങി
Jan 31, 2024, 09:31 IST
![അതിജീവിതയെ പീഡനത്തിനിരയാക്കിയ കേസിൽ അഡ്വ. പി.ജി. മനു കീഴടങ്ങി](https://timeskerala.com/static/c1e/client/91214/uploaded/466c84b1535a7932fa4167039c9c5ca6.webp)
കൊച്ചി: നിയമസഹായം തേടിയെത്തിയ യുവതിയെ പീഡിപ്പിച്ചെന്ന കേസില് ഹൈക്കോടതിയിലെ മുന് ഗവ. പ്ലീഡര് അഡ്വ. പി.ജി. മനു എറണാകുളം പുത്തന്കുരിശ് പോലീസ് മുമ്പാകെയാണ് രാവിലെ എട്ടിന് കീഴടങ്ങി. മനുവിന്റെ മുന്കൂര് ജാമ്യാപേക്ഷ ഹൈക്കോടതിയും സുപ്രീംകോടതിയും തള്ളിയിരുന്നു. കഴിഞ്ഞ ഒക്ടോബറില് നിയമസഹായം തേടി എത്തിയ അതിജീവിതയെ ഇയാള് പലവട്ടം പീഡനത്തിനിരയാക്കിയെന്നാണ് കേസ്. എറണാകുളം സ്വദേശിയായ 25കാരിയാണ് ഇയാള്ക്കെതിരേ ചോറ്റാനിക്കര പോലീസില് പരാതി നല്കിയത്. യുവതിയുടെ സ്വകാര്യ ദൃശ്യങ്ങള് മൊബൈലില് ചിത്രീകരിച്ചതായും പരാതിയില് പറയുന്നു. എന്നാല് തൊഴില്മേഖലയിലെ ശത്രുക്കള് തനിക്കെതിരേ കെട്ടിച്ചമച്ച കേസാണിതെന്നും കസ്റ്റഡിയില് ചോദ്യംചെയ്യേണ്ടതില്ലെന്നുമായിരുന്നു കോടതിയില് ഹര്ജിക്കാരന്റെ വാദം.