ദത്ത് വിവാദം; സിപിഎം ജില്ലാ സെക്രട്ടറി ആനാവൂർ നാഗപ്പനെതിരേ അനുപമ
Updated: Nov 25, 2021, 11:05 IST
തിരുവനന്തപുരം: ദത്ത് വിവാദത്തിൽ സിപിഎം ജില്ലാ സെക്രട്ടറി ആനാവൂർ നാഗപ്പനെതിരേ അമ്മ അനുപമ. കുഞ്ഞിനെ ദത്ത് നൽകിയ വിഷയത്തിൽ ആനാവൂർ നാഗപ്പനും തെറ്റുകാരനാണെന്നും അതുകൊണ്ടാണ് അദ്ദേഹം ഷിജുഖാനെ പിന്തുണയ്ക്കുന്നതെന്നുമാണ് അനുപമ പറഞ്ഞു.സർക്കാരിന്‍റെയും പാർട്ടിയുടേയും അവസാനവാക്ക് ആനാവൂരല്ല എന്നും അനുപമ പ്രതികരിച്ചു . അതേസമയം കുഞ്ഞിനെ തന്നിൽ നിന്നും അകറ്റിയവർക്കെതിരെ പോരാട്ടം തുടരാനാണ് അനുപമയുടെ തീരുമാനം.എന്നാൽ,സമരസമിതിയുമായി ആലോചിച്ച ശേഷമായിരിക്കും സമരരീതി പ്രഖ്യാപിക്കുക.ശിശു ക്ഷേമ സമിതി ജനറൽ സെക്രട്ടറി ഷിജുഖാനും, സിഡബ്ല്യൂസി ചെയർപേഴ്സണ്‍ സുനന്ദക്കും എതിരെ നടപടി വേണമെന്നാണ് അനുപമയുടെ ആവശ്യം.