ആലുവയിൽ പോലീസ് ഉദ്യോഗസ്ഥനെ ആക്രമിച്ച പ്രതി റിമാൻഡിൽ
![ആലുവയിൽ പോലീസ് ഉദ്യോഗസ്ഥനെ ആക്രമിച്ച പ്രതി റിമാൻഡിൽ](https://timeskerala.com/static/c1e/client/91214/uploaded/2fab928ecadd730d77b6ddafb8c96de5.webp)
കൊച്ചി: പോലീസ് ഉദ്യോഗസ്ഥനെ ആക്രമിച്ച കേസിൽ അതിഥി തൊഴിലാളിയായ പ്രതി റിമാൻഡിൽ. ജാർഖണ്ഡ് ജെസ്പുർ സ്വദേശി സുരേഷ് കുമാറിനെയാണ് കോടതി റിമാൻഡ് ചെയ്തത്.
ആലുവ സ്റ്റേഷനിലെ സിവിൽ പോലീസ് ഓഫീസർ രാജേഷിനാണ് അക്രമത്തിൽ പരിക്കേറ്റത്. വ്യാഴാഴ്ച രാത്രി എട്ടിനായിരുന്നു കേസിനാസ്പദമായ സംഭവം നടന്നത്.
![](https://timeskerala.com/static/c1e/static/themes/16/91214/3752/images/New-Creative-.png)
ആലുവ ജലശുദ്ധീകരണശാലയ്ക്ക് സമീപത്തെ അപ്പാര്ട്ട്മെന്റില് പാര്ക്ക് ചെയ്തിരുന്ന കാറുകള്ക്ക് നേരെ സുരേഷ് കല്ലെറിഞ്ഞ സംഭവമറിഞ്ഞ് പോലീസ് സ്ഥലത്തെത്തിയിരുന്നു. കൈയില് കല്ലുമായി നിന്ന യുവാവിനെ പിടികൂടാന് ശ്രമിച്ച പോലീസുകാരെ ഇയാൾ ആക്രമിക്കുകയായിരുന്നു. ചെവിക്ക് പരിക്കേറ്റ രാജേഷ് ആലുവയിലെ സ്വകാര്യ ആശുപത്രിയിൽ ചികിത്സ തേടി.