സ്കൂട്ടറിൽ സഞ്ചരിച്ച് മദ്യക്കച്ചവടം ചെയ്‌ത മുൻ അബ്കാരി കേസിലെ പ്രതി വീണ്ടും പിടിയിൽ
May 12, 2024, 19:29 IST
മാന്നാർ: സ്കൂട്ടറിൽ സഞ്ചരിച്ച് മദ്യക്കച്ചവടം ചെയ്‌ത നിരവധി അബ്കാരി കേസിൽ മുൻപ് പ്രതിയായിരുന്ന പ്രതി പിടിയിൽ. ചെന്നിത്തല തൃപ്പെരുംന്തുറ പടിഞ്ഞാറെ വഴി നെടിയത്ത് വീട്ടിൽ ശിവപ്രകാശിനെ (57 )നെയാണ് എക്സൈസ് സംഘം അറസ്റ്റ് ചെയ്തത്. ഞായറാഴ്ച രാത്രി എട്ടുമണിയോടെ മാവേലിക്കര എക്സൈസ് റേഞ്ച് പാർട്ടി സ്ട്രൈക്കിംഗ് ഫോഴ്സ് ഡ്യൂട്ടിയുടെ ഭാഗമായി നടത്തിയ റെയ്ഡിൽ ചെന്നിത്തല കോട്ടമുറി ഭാഗത്ത് ഇന്ത്യൻ നിർമ്മിത വിദേശമദ്യത്തിന്റെ കച്ചവടത്തിലേർപ്പെട്ടിരിക്കെയായിരുന്നു പ്രതിയെ പിടികൂടിയത്. ഹോണ്ട ആക്ടീവ ഗ്രേസ് സ്കൂട്ടറും, ഒരു ലിറ്റർ ഇന്ത്യൻ നിർമ്മിത വിദേശ മദ്യവും, കച്ചവടത്തിലൂടെ ലഭിച്ച 22,150 രൂപയും കസ്റ്റഡിയിലെടുത്തു. എക്സൈസ് റേഞ്ച് ഇൻസ്പെക്ടർ പി.എസ്. കൃഷ്ണ രാജും സംഘവുമാണ് പ്രതിയെ അറസ്റ്റ് ചെയ്തത്. കോടതിയിൽ തൊണ്ടിയായി ഹാജരാക്കി റിമാൻഡ് ചെയ്തു.