നടത്തിയത് കലാപ ആഹ്വനം; കെ.ബി. ഗണേഷ് കുമാർ എംഎൽക്കെതിരെ പരാതിയുമായി ഐഎംഎ
Wed, 15 Mar 2023
തിരുവനന്തപുരം: നിയമസഭയിൽ കലാപ ആഹ്വാനം നടത്തിയെന്നാരോപിച്ച് പത്തനാപുരം എംഎൽഎ കെ.ബി. ഗണേഷ് കുമാറിനെതിരെ പരാതിയുമായി ഇന്ത്യൻ മെഡിക്കൽ അസോസിയേഷൻ. ഇക്കാര്യം ചൂണ്ടിക്കാട്ടി മുഖ്യമന്ത്രിക്കും സ്പീക്കർക്കും പരാതി നൽകുമെന്ന് ഐഎംഎ അറിയിച്ചു. ചില ഡോക്‌ടർമാരെ മുക്കാലിയിൽ കെട്ടി തല്ലണമെന്ന് ഗണേഷ് കഴിഞ്ഞ ദിവസം നിയമസഭയിൽ പറഞ്ഞിരുന്നു. ഇതിനേതിരെയാണ് ഐഎംഎ രംഗത്ത് എത്തിയത്. ഗണേഷിന്‍റെ പ്രസ്താവന കലാപ ആഹ്വാനമാണെന്നും നിയമവ്യവസ്ഥിതിയോടും പൊതുസമൂഹത്തോടുമുള്ള വെല്ലുവിളിയാണെന്ന് ഐഎംഎ അറിയിച്ചു. തന്‍റെ മണ്ഡലത്തിലെ വിധവയായ സ്ത്രീ മെഡിക്കൽ കോളജിൽ ശസ്ത്രക്രിയക്കിടെ നേരിട്ട ദുരനുഭവം വിവരിച്ചുകൊണ്ടാ‌യിരുന്നു ഗണേഷിന്‍റെ വിമർശനം.