അനധികൃത വിദേശ മദ്യവുമായി യുവാവ് പിടിയിൽ
Jan 25, 2023, 18:11 IST
കോഴിക്കോട്: അനധികൃതമായി വീട്ടിൽ സൂക്ഷിച്ച വിദേശമദ്യവുമായി യുവാവ് പിടിയിൽ. പെരുമുഖം കാരാളിപ്പറമ്പ് നീലാട്ട് പറമ്പിൽ രജീഷ് എന്ന 40-കാരനാണ് പിടിയിലായത്. ചില്ലറ വിൽപനക്കായി മാഹിയിൽ നിന്നെത്തിച്ച 134 കുപ്പികളിലായി സൂക്ഷിച്ച 67 ലിറ്റർ വിദേശമദ്യം കസ്റ്റഡിയിലെടുത്തു. സ്പെഷൽ ബ്രാഞ്ച് പൊലീസ് നൽകിയ രഹസ്യ വിവരങ്ങളുടെ അടിസ്ഥാനത്തിൽ പെരുമുഖത്തെ വീട്ടിൽ നടത്തിയ പരിശോധനയിലാണ് യുവാവിനെ കസ്റ്റഡിയിലെടുത്തത്.