തിരുവനന്തപുരം മെഡിക്കൽ കോളേജിൽ വനിതാ ഡോക്ടറെ മർദിച്ച സംഭവം: കുറ്റവാളി ഒളിവിൽ, മെഡിക്കൽ പിജി വിദ്യാർത്ഥികൾ സമരം നടത്തി
തിരുവനന്തപുരം: തിരുവനന്തപുരം മെഡിക്കൽ കോളേജിൽ വനിതാ ഡോക്ടറെ മർദിച്ച സംഭവത്തിൻറെ വീഡിയോ പുറത്തിറങ്ങി. സംഭവം നടന്ന് രണ്ട് ദിവസമായിട്ടും അറസ്റ്റ് ചെയ്യാത്തതിൽ പ്രതിഷേധിച്ച് മെഡിക്കൽ പിജി വിദ്യാർത്ഥികൾ വെള്ളിയാഴ്ച ടോക്കൺ സമരം നടത്തി.
കേരള ഗവൺമെന്റ് മെഡിക്കൽ കോളേജ് ടീച്ചേഴ്‌സ് അസോസിയേഷൻ (കെജിഎംസിടിഎ), ഇന്ത്യൻ മെഡിക്കൽ അസോസിയേഷൻ (ഐഎംഎ) എന്നിവരും സമരത്തിന് പിന്തുണയുമായി രംഗത്തെത്തിയിട്ടുണ്ട്. കുറ്റവാളിയെ ഉടൻ പിടികൂടുകയും തുടർനടപടികൾ സ്വീകരിക്കുകയും ചെയ്തില്ലെങ്കിൽ പിജി വിദ്യാർഥികൾ നടത്തുന്ന സമരത്തിൽ പങ്കെടുക്കാൻ അസോസിയേഷനെ നിർബന്ധിതരാക്കുമെന്ന് കെജിഎംസിടിഎ ഭാരവാഹികൾ പറഞ്ഞു.
ആശുപത്രികളിലെ ഇത്തരം അക്രമ സംഭവങ്ങൾക്കെതിരെ കർശന നടപടി വേണമെന്നും ഐഎംഎ ആവശ്യപ്പെട്ടു. മർദനത്തിന് ഇരയായ ഡോക്ടർ ആശുപത്രിയിൽ ചികിത്സയിലാണ്. ഡോക്ടറെ മർദ്ദിച്ച ശേഷം രോഗിയുടെ ഭർത്താവ് ഐസിയുവിൽ നിന്ന് പുറത്തേക്ക് വരുന്ന വീഡിയോയാണ് ഇപ്പോൾ പുറത്ത് വന്നിരിക്കുന്നത്. ന്യൂറോ ഐസിയുവിൽ ചികിത്സയിലായിരുന്ന ഭാര്യ മരിച്ചതിനെ തുടർന്ന് ഭർത്താവ് ഡോക്ടറെ തല്ലുകയായിരുന്നു .