മണ്ണാർക്കാട് അമ്പല പാറയിൽ കാട്ടാനയുടെ ആക്രമണത്തിൽ രണ്ടു പേർക്ക് പരുക്ക്
Sep 21, 2022, 15:19 IST
പാലക്കാട്: മണ്ണാർക്കാട് അമ്പല പാറയിൽ കാട്ടാനയുടെ ആക്രമണത്തിൽ രണ്ടു പേർക്ക് പരുക്ക്. അമ്പലപ്പാറ സ്വദേശി സിദ്ദിഖിനും മകനുമാണ് പരിക്കേറ്റത്.
സിദ്ദിഖിന് വാരിയെല്ലിനാണ് പരിക്കേറ്റത്. ഇരുവരും രാത്രി കൃഷിയിടത്തിൽ കാവലിന് പോയതാണ്. ഇരുവരേയും സ്വകാര്യ ആശുപത്രിയിൽ പ്രവേശിപ്പിച്ചു. വാരിയെല്ലിന് പരിക്കേറ്റ സിദ്ദിഖിന് അടിയന്തര ശസ്ത്രക്രിയക്ക് വിധേയനാക്കിയിട്ടുണ്ട്.
വന്യ മൃഗങ്ങളുടെ ശല്യമുള്ള പ്രദേശമാണിത്. അതുകൊണ്ടാണ് കൃഷി ഇടത്തിലെ കാവൽ പുരയിലേക്ക് ഇരുവരും പോയത്. കൃഷിയിടങ്ങളിലേക്ക് വരുന്ന വന്യമൃഗങ്ങളെ പാട്ട കൊട്ടിയും ചെണ്ടകൊട്ടിയും ഓടിക്കുന്നതിന് വേണ്ടിയാണ് ഇവർ കാവൽപ്പുരയിലേക്ക് പോയത്. എന്നാൽ രാത്രിയോടെ അപ്രതീക്ഷിതമായി ഇവരുടെ കാവൽമാടത്തിന് അടുത്തെത്തിയ കാട്ടാന ഇരുവരേയും ആക്രമിക്കുകയായിരുന്നു.