തിരുവനന്തപുരത്ത് നാടൻതോക്കും തിരകളുമായി നിരവധി ക്രിമിനൽ കേസുകളിൽ പ്രതിയായ യുവാവ് അറസ്റ്റിൽ
Jun 23, 2022, 13:49 IST
തിരുവനന്തപുരം: ജില്ലയിലെ തുമ്പയിൽ നാടൻതോക്കും തിരകളുമായി യുവാവ് പോലീസിന്റെ പിടിയിലായി. പള്ളിത്തുറ നെഹ്റു ജംഗ്ഷന് സമീപം തിരുഹൃദയ ലൈനിൽ താമസിക്കുന്ന നിരവധി കേസുകളിൽ പ്രതിയായ സന്തോഷ് എന്ന ജെറ്റ് സന്തോഷിനെ(42)യാണ് പോലീസ് അറസ്റ്റ് ചെയ്തത്. ഇന്ന് പുലർച്ചെ ഇയാളുടെ വീട്ടിൽ നിന്നാണ് തോക്കും ആറ് തിരകളും പോലീസ് പിടിച്ചെടുത്തത്. തുടർന്നായിരുന്നു അറസ്റ്റ്. ഇയാൾ ഏതാനും നാളുകളായി ഒളിവിൽ താമസിക്കുകയായിരുന്നുവെന്ന് പോലീസ് പറഞ്ഞു. രഹസ്യവിവരത്തിന്റെ അടിസ്ഥാനത്തിൽ കഴക്കൂട്ടം സൈബർ സിറ്റി അസിസ്റ്റന്റ് കമ്മീഷണർ ഹരിയുടെ നിർദേശാനുസരണം തുന്പ എസ് എച്ച് ഒ ശിവകുമാർ, എസ്ഐമാരായ അശോക് കുമാർ, ഇൻസാം എന്നിവർ ഉൾപ്പെട്ട സംഘമാണ് പ്രതിയെ അറസ്റ്റ് ചെയ്തത്. പ്രതിയെ ഇന്ന് കോടതിയിൽ ഹാജരാക്കും.