യുവതി ഭര്തൃഗൃഹത്തിൽ മരിച്ച നിലയില് കണ്ടെത്തി
Sep 21, 2022, 11:29 IST
കൊല്ലം: ചടയമംഗലം അക്കോണത്ത് യുവതി ഭര്തൃഗൃഹത്തിൽ മരിച്ച നിലയില് കണ്ടെത്തി. അടൂര് പഴകുളം സ്വദേശിനി ലക്ഷ്മി പിള്ള(24)ആണ് മരണപ്പെട്ടത്.
കുവൈറ്റിലായിരുന്ന ഭര്ത്താവ് കിഷോര് ചൊവ്വാഴ്ച നാട്ടിലെത്തിയിരുന്നു. വാതില് തുറക്കാത്തതിനെ തുടര്ന്ന് ചവിട്ടിപ്പൊളിച്ച് അകത്തു കയറിയപ്പോഴാണ് യുവതിയെ മരിച്ച നിലയില് കണ്ടത്.
അസ്വാഭാവിക മരണത്തിന് കേസെടുത്ത ചടയമംഗലം പോലീസ് അന്വേഷണം ആരംഭിച്ചിട്ടുണ്ട്. മൃതദേഹം പോസ്റ്റുമോര്ട്ടത്തിനായി തിരുവനന്തപുരം മെഡിക്കൽ കോളേജിലേക്ക് മാറ്റി.